ტაილანდში წყალდიდობა პიკს აღწევს. წყალმა ბანკოკის ერთ-ერთი ღირსშესანიშნაობა, დიდი სასახლე დატბორა. ათასობით ადამიანი ქალაქს ტოვებს.

"როიტერის" ინფორმაციით, ამ დროისთვის ბანკოკში მოსახლეობის ევაკუაცია მიმდინარეობს. ევაკუაცია ხდება ბანკოკის ციხიდან - "ბანკოკ-ჰილტონიდანაც", სადაც მრავლადაა უცხო ქვეყნის მოქალაქე პატიმრები. ჯერჯერობით ბანკოკის აეროპორტს მუშაობა არ შეუჩერებია, თუმცა ქლაქის სატრანსპორტო საშუალებები შეფერხებით მუშაობენ. მოსახლეობის მიერ ქალაქის დატოვების გამო ტრანსპორტი გადაჭედილია.

ტაილანდში წყალდიდობა ივლისის შემდეგ გრძელდება, რასაც უკვე 400-მდე ადამიანის სიცოცხლე ემსხვერპლა.