პროფკავშირები შრომის კოდექსში შესატან ცვლილებებზე შენიშვნების პაკეტს წარადგენს
საქართველოს პროფკავშირები არასამთავრობო სექტორს შრომის კოდექსში შესატან ცვლილებებთან დაკავშირებით შენიშვნების პაკეტს წარუდგენს.
როგორც "ინტერპრესნიუსს" საქართველოს პროფესიული კავშირების გაერთიანებიდან აცნობეს, პროფკავშირების ცენტრალურ ოფისში ხვალ შრომის კოდექსში შესატანი ცვლილებების განხილვა გაიმართება, რომელშიც მონაწილეობას არასამთავრობო სექტორის წარმომადგენლები მიიღებენ.
შეხვედრას დაესწრებიან ადამიანის უფლებადამცველები და სხვადასხვა არასამთავრობო ორგანიზაციების წევრები, მათ შორის, "ადამიანის უფლებათა ცენტრის", "ახალგაზრდა იურსიტთა ასოციაციის", "კონსტიტუციის 42-ე მუხლისა" და "მრავალეროვანი საქართველოს" წარმომადგენლები.
პროფკავშირები საკუთარ ხედვას წარმოადგენს, გაიმართება დისკუსიაც. შეხვედრა ხვალ, 13.00 საათზე, საქართველოს პროფესიული კავშირების ცენტრალურ ოფისში გაიმართება.
v-if="article.gallery" v-html="article.gallery"
