ფოთის პორტში აღმოჩენილი მავნებლები საკარანტინო არ აღმოჩნდა

"ფოთის პორტის" საბაჟო გამშვებ პუნქტზე ფიტოსანიტარიული სასაზღვრო-საკარანტინო პროცედურების განხორციელებისას, ფიტოსანიტარმა ოფიცერმა კენიიდან იმპორტირებულ 20 000 კგ. ლობიოში მცენარეთა მავნე ორგანიზმები აღმოაჩინა.

შემოსავლების სამსახურის ინფორმაციით, ლაბორატორიული შესწავლისა და იდენტიფიცირების შედეგად, არ დადასტურდა, რომ მავნებლები საკარანტინოა.

საქართველოს მთავრობის 2010 წლის 31 დეკემბრის N429 დადგენილების თანახმად, მიღებულ იქნა გადაწყვეტილება სასაქონლო პარტიის ფუმიგაციის (დამუშავების) შესახებ.