შსს-ს თანამშრომელმა საერთაშორისო კონკურსში "პორშე 911" მოიგო
შინაგან საქმეთა სამინისტროს საზოგადოებასთან ურთიერთობის დეპარტამენტის თანამშრომელმა სოფო სალუქვაძემ "მარტინის" საერთაშორისო კონკურსზე "პორშე 911" მოიგო. გამარჯვება მას შინაგან საქმეთა მინისტრის მოადგილე არჩილ თალაკვაძემ მიულოცა.
საერთაშორისო ბრენდმა "მარტინიმ" განახორციელა გლობალური კამპანია: Race To Desire, რომლის ფარგლებში, გაათამაშა "პორშე 911", საგზური ამავე კონკურსის სუპერ ფინალზე მილანში და სხვა პრიზები.
საქართველოდან გათამაშებაში ჩაერთო 4 000-მდე კონკურსანტი. პირველი ტურის პირობები გულისხმობდა დასმულ კითხვებზე ორიგინალურ პასუხს, ხოლო მეორე ტურის ფარგლებში, კონკურსნატებს "მარტინის" ვებ-გვერდზე უნდა აეტვირთათ ფოტოსურათი კოქტეილ "მარტინ როიალთან" ერთად. საბოლოოდ, "მარტინისა" და "პორშეს" გლობალურმა წარმომადგენლებმა ყველაზე ორიგინალურ მონაწილედ სოფო სალუქვაძე შეაფასეს, რომელიც მილანში კონკურსის სუპერ ფინალზე გაემგზავრა, სადაც თამაშდებოდა მთავარი პრიზი - "პორშე 911".
სუპერ ფინალში მონაწილეობდნენ 15 ქვეყნის გამარჯვებული ფინალისტები. სუპერ ფინალის მთავარი კონკურსის ფარგლებში, კონკურსანტებს უნდა დაემტკიცებინათ, თუ რატომ იმსახურებდნენ "პორშე 911"-ის მოგებას.
"სოფომ ჟიურის აღფრთოვანება შეძლო - მან არაჩვეულბრივი სიმღერით დაამტკიცა, რომ სწორედ ის იმსახურებდა გამარჯვებას", - აცხადებენ შსს-ში.
გამარჯვებული ქართველი კონკურსანტისთვის სპეციალურად დამზადდა "პორშეს" ახალი მოდელი, რომელიც მას ოფიციალურად და საზეიმოდ გადაეცა.
v-if="article.gallery" v-html="article.gallery"
