~გლობალ ოილ~-მა საქართველოში ნავთობის მოპოვების მაჩვენებელი გაზარდა

ინდურმა კომპანია ~გლობალ ოილ~-მა (~Global Oil Operating Company Georgia Limited~) ) საქართველოში ნავთობის მოპოვების მაჩვენებელი გაზარდა.

თუ წლის დასაწყისში კომპანია თვეში, დაახლოებით, 90 ტონას მოიპოვებდა, ივნისში ამ მაჩვენებელმა 152, ხოლო ივლისში - 190 ტონას მიაღწია.

ნავთობისა და გაზის კორპორაციის ინფორმაციით, ~კანარგომ~ ივნისი-ივლისში, დაახლოებით, 3500 ტონა ნავთობი მოიპოვა, თავად კორპორაციამ – 3760, ~ფრონტერამ~ - 470. კორპორაციის კუთვნილმა წილმა ამ თვეებში 3200 ტონა შეადგინა, ხოლო სახელმწიფოს წილმა – 1960 ტონა.

შესაბამისად, ივნისი-ივლისში საქართველოში ჯამში, დაახლოებით, 8072 ტონა ნავთობია მოპოვებული.