გიორგი კანდელაკი - პატრიარქის შესახებ ჩემი სახელით გავრცელებული გამოგონილი ინტერვიუ კლასიკური "ფეიქ ნიუსია"

„ევროპული საქართველოს“ წევრი დეპუტატი გიორგი კანდელაკი მისი სახელით თითქოსდა პატრიარქთან დაკავშირებით „ფეიქ ნიუსის“ გავრცელებას „ქართულ ოცნებას“ უკავშირებს. აღნიშნულს კანდელაკი სოციალურ ქსელში ეხმაურება, სადაც აღნიშნავს, რომ არც გერმანული მედიისთვის მიუცია მსგავსი ინტერვიუ და არც საინფორმაციო სააგენტო „ინტერპრესნიუსისთვის“.

„მოკლედ კანცელარიის ტროლები მასიურად ავრცელებენ „ფეიქ ნიუსს“, სადაც მე თითქოს პატრიარქის გასამართლებას ვითხოვ. მეორე - არც ერთი გერმანული ჟურნალისთვის ინტერვიუ საერთოდ არ მიმიცია წლებია და ბოლოს - ბედად EPP-ს ყრილობაზე ჰელსინკიში თავად „ფეისბუქის“ წარმომადგენელი გავიცანი, ვინც „ფეიქ ნიუსებთან“ ბრძოლას ხელმძღვანელობს ჩვენს რეგიონში. „ფეისბუქის“ ადმინისტრაცია ადგენს ამ „ფეიქ ნიუსის“ გავრცელების მთელ ჯაჭვს და მოახდენს ყველა იმ ყალბი პროფილის დეაქტივაციას, რომელსაც „ქართული ოცნება“ ზოგადად, ამ საინფორმაციო ომში იყენებს. მე იმაზე მეცინება, რომ სხვადასხვა კონფერენციაზე „ოცნების“ წარმომადგენლები შეწუხებული სახეებით საუბრობენ ხოლმე, რა გმირულად ებრძვის მთავრობა დეზინფორმაციას და ამ დროს თავად ხარჯავენ (ჩვენს) ფულს მასზე. გასაგებია, რომ ეს ფხაკური „ქართულ ოცნებას“ ვერაფერს უშველის, მაგრამ ხალხის ფული რატომ უნდა იხარჯებოდეს ამ სისულელეზე, ეგაა გაუგებარი,“ - წერს სოციალურ ქსელში გიორგი კანდელაკი.

ინფორმაციისთვის, გიორგი კანდელაკის სახელით სოციალურ ქსელში „ფეიქ ნიუსი“, რომელშიც თითქოსდა ის პატრიარქს აკრიტიკებს და მის გამართლებას ითხოვს, რამდენიმე დღის წინ გავრცელდა. ინფორმაციას თან ახლდა ფოტო „ინტერპრესნიუსის“ ლოგოს გამოსახულებით, რაც ტოვებს შთაბეჭდილებას, თითქოს „ნიუსი“ საინფორმაციო სააგენტო „ინტერპრესნიუსმა“ გაავრცელა. „ინტერპრესნიუსი“ აცხადებს, რომ მსგავსი ინფორმაცია სააგენტოს ვებ-გვერდზე არ განთავსებულა.

დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
მინდია დავითაძე - აუცილებელია საქპატენტის უწყვეტ რეჟიმში ფუნქციონირება, რათა ბიზნესს შექმნილ ვითარებაში პრობლემა არ შეექმნას
ქართული პრესის მიმოხილვა 06.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
Yandex.Taxi საქართველოში კორონავირუსისგან დაზარალებული მძღოლებისთვის ფინანსური მხარდაჭერის ფონდს აფუძნებს
„დანკინმა“ ინფექციურის  და პირველი საუნივერსიტეტო კლინიკის მედიკოსებს საუზმე მიართვა