ცესკოს ინფორმაციით, ხმების გაბათილება 6 შემთხვევაშია მოთხოვნილი

ცენტრალური საარჩევნო კომისიის პრესსპიკერის, ანა მიქელაძის ინფორმაციით, უბნის ხმების ბათილობა 6 შემთხვევაშია მოთხოვნილი. ამის შესახებ ანა მიქელაძემ ჟურნალისტებს განუცხადა.

მისივე განცხადებით, 5 შემთხვევაში მოთხოვნილია უბნების ხმების ბათილობა, ხოლო ერთ შემთხვევაში - გადასატანი ყუთის ხმების.

„ხმების ბათილობა 6 შემთხვევაშია მოთხოვნილი, კერძოდ, სიღნაღის ერთ საარჩევნო უბანზე, წყალტუბოს ერთ და მარნეულის სამ საარჩევნო უბანზე, გარდა ამისა, მოთხოვნილია ხულოს ერთ-ერთ საარჩევნო უბანზე გადასატანი ყუთის ხმების ბათილობა“, - განაცხადა მიქელაძემ.

ცესკოს სპიკერმა ბრიფინგზე საქართველოს პრეზიდენტის არჩევნების ამ დროისთვის არსებული მონაცემები წარმოადგინა. როგორც ანა მიქელაძემ აღნიშნა, 3702 უბნის მონაცემი უკვე დათვლილია და ცენტრალური საარჩევნო კომისიის ვებ-გვერდზეა განთავსებული.

„მეორე ტურის წინასწარი შედეგები ასეთია - გრიგოლ ვაშაძის მიერ მიღებული ხმების რაოდენობა არის 779 614 ხმა, რაც პროცენტულად 40,46%-ია, სალომე ზურაბიშვილის მიერ მიღებული ხმების რაოდენობა 1 147 106 ხმაა, რაც პროცენტულად 59,54 %-ია. რაც შეეხება საზღვარგარეთ, მათ შორის ავღანეთში გახსნილი საარჩევნო უბნების შედეგებს, 57 უბნიდან დათვლილია 54 უბანი, აშშ-ში სამ უბანზე ხმების დათვლა ამ წუთებშიც მიმდინარეობს, ხოლო ხმები ასე გადანაწილდა - გრიგოლ ვაშაძე 64,27%, რაც არის 5216 ხმა, ხოლო სალომე ზურაბიშვილი - 35,73%, რაც 2900 ხმაა“, - განაცხადა ანა მიქელაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს