ემზარ კვიციანის განცხადებით, მიწების უცხოელებზე გასხვისების საწინააღმდეგო აქცია იუსტიციის სახლთან ისევ  გაიმართება

„ჩვენ ხვალ დილით 10:00 საათზე მაინც მივალთ იუსტიციის სახლთან და თეა წულუკიანს მივცემთ საშუალებას ხვალ საღამოსაც გააკეთოს განცხადება, რომ მან არ ჩაიდინა ის დანაშაული, რომლის წინააღმდეგაც საქართველოს მოსახლეობა მიდის,“ - ამის შესახებ „პატრიოტთა ალიანსის“ წევრმა ემზარ კვიციანმა „პალიტრანიუსის“ ეთერში, გადაცემაში „360 გრადუსი“ განაცხადა. მისი თქმით, ხვალ იუსტიციის სახლთან კიდევ უფრო მეტი ადამიანი შეიკრიბება მიწების უცხოელებზე გასხვისების გასაპროტესტებლად.

„ჩვენ ხვალ დილით 10:00 საათზე მაინც მივალთ იუსტიციის სახლთან და თეა წულუკიანს მივცემთ საშუალებას ხვალ საღამოსაც გააკეთოს განცხადება, რომ მან არ ჩაიდინა ის დანაშაული, რომლის წინააღმდეგაც საქართველოს მოსახლეობა მიდის. ვისურვებდი, რომ ხვალაც გაკეთდეს ასეთი განცხადება, ზეგაც და პარასკევს საღამოსაც. ეს იქნება გამარჯვება არა მხოლოდ ჩვენი, ვინც ამ ყველაფერს ვეწინააღმდეგებით, არამედ იუსტიციის სახლის გამარჯვება იქნება,“ - განაცხადა ემზარ კვიციანმა.

შეგახსენებთ, რომ იუსტიციის სახლთან გუშინ ის ადამიანები და საზოგადოებრივი ჯგუფები შეკრიბნენ, ვინც სასოფლო-სამეურნეო დანიშნულების მიწებზე დაწესებული მორატორიუმის გაუქმებას აპროტესტებს. იუსტიციის სახლთან შეკრებილებმა იუსტიციის მინისტრს მიმართეს, არ დაუშვან მიწების უცხოელებზე გასხვისება.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 21.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა