წლების განმავლობაში რუსეთის ფედერაციის ქმედება ჟენევის ფარგლებში არის დესტრუქციული, რომელსაც ან თვითონ აკეთებს ან მარიონეტული რეჟიმების მიერ, – განაცხადა „ევროპული საქართველოს“ წევრმა სერგი კაპანაძემ.
მისი თქმით, ეს მიდგომა არ შეცვლილა და სხვადასხვა საბაბს იყენებენ ხოლმე შეხვედრების ჩაშლისთვის ან კონკრეტული პრობლემის შესაქმნელად.
„მაგალითად, ბოლო პერიოდში არ მონაწილეობენ ინციდენტების პრევენციის და მათზე ზემოქმედების მექანიზმებში, ეს არის ჩვეულებრივი ნაწილი მათი პოლიტიკისა და შესაბამისად, კიდევ ერთხელ მტკიცდება, რომ მოსკოვში არარსებული პოლიტიკური ნება არის მთავარი, რის გამოც ჟენევის მოლაპარაკებები არის წარუმატებელი. ამ ნების გენერირებისთვის არის მთავარი მოსკოვზე მუდმივად იყოს ზეწოლა ჩვენი პარტნიორების მხრიდან. ბოლო პერიოდში ჩვენი მთავრობის ქმედება, რომელიც აჩვენებდა, თითქოს რუსეთთან დიალოგით და ენის მოჩლექით შეიძლება მიზნების მიღწევა ამტკიცებს, რომ არის არასწორი და წარუმატებელი,“ - განაცხადა სერგი კაპანაძემ.