პროგრამის ფარგლებში დაფინანსებულ სასოფლო-სამეურნეო ტექნიკას 5 წლის განმავლობაში ქვეყნიდან ვერ გაიტანენ

ფერმერის ერთადერთი ვალდებულებაა, რომ 5 წლის განმავლობაში პროგრამის ფარგლებში დაფინანსებულმა სასოფლო-სამეურნეო ტექნიკამ არ უნდა დატოვოს სახელმწიფოს საზღვრები. ამის უზრუნველსაყოფად ჩვენ ვიგირავებთ ტექნიკას, - ამის შესახებ „ინტერპრესნნიუსს“ სასოფლო-სამეურნეო ტექნიკის თანადაფინანსების პროგრამის მენეჯერმა თორნიკე კაპანაძემ განუცხადა.

მისივე თქმით, პროგრამის ფარგლებში ტექნიკის შესყიდვა შესაძლოა, მოხდეს საზღვარგარეთის ბაზარზეც და საქართველოშიც, მთავარია ეს ტექნიკა არ იყოს ექსპლუატაციაში მყოფი და წარმოებული იყოს არაუმეტეს 2 წლით ადრე.

ცნობისთვის, გარემოს დაცვისა და სოფლის მეურნეობის სამინისტროს ა(ა)იპ - სოფლის მეურნეობის პროექტების მართვის სააგენტო საქართველოს მთელ ტერიტორიაზე სასოფლო-სამეურნეო ტექნიკის თანადაფინანსების პროგრამას სავარაუდოდ მარტში დაიწყებს. პროგრამის ფარგლებში, რომლის ბიუჯეტიც 4 მილიონი ლარია, სააგენტოს თანადაფინანსების მოცულობა ერთ ბენეფიციარზე შეადგენს შესასყიდი სასოფლო-სამეურნეო ტექნიკის ღირებულების არაუმეტეს 50%-ს, მაგრამ არაუმეტეს 150 000 ლარისა.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 26.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა