19.05.2025 / 09:37

ვიქტორ ყიფიანი - “ხელისუფლების მთავარი ნაკლია, რომ მათთვის ზღვარი სახელმწიფოებრიობასა და ძალაუფლების საკითხს შორის წაშლილია”

“ჩვენ არ ვართ რევოლუციონერები”, - გახარია თვითმართველობის არჩევნებში მონაწილეობას ადასტურებს, ვინ იქნება შემდეგი

კონსტიტუციონალისტი ვახუშტი მენაბდე - “ეს წერილი გამოქვეყნდა ქართველი ხალხისთვის და ის უფრო გაამწვავებს ტრამპის ადმინისტრაციასთან ურთიერთობას”

ანექსიის პოლიტიკის გაგრძელება - რუსებმა აფხაზეთსა და ცხინვალის რეგიონში მცხოვრებლებს მოქალაქეობის მიღება გაუმარტივეს

რუსული საზაფხულო შეტევის წინ უშედეგო მოლაპარაკებით პუტინმა ყურადღების გადატანა სცადა...

კონსტანტინე გამსახურდია - ზვიად გამსახურდიას საქმის თემა პირდაპირ ჩაიწერა სააარჩევნო დღის წესრიგში

ზვიად გამსახურდიას საქმის თემა პირდაპირ ჩაიწერა სააარჩევნო დღის წესრიგში, - ამის შესახებ საქართველოს პირველი პრეზიდენტის შვილმა კონსტანტინე გამსახურდიამ „პალიტრანიუსის“ გადაცემაში NewsRoom განაცხადა.

გამსახურდია ივანიშვილის სამეგრელოში სტუმრობასა და საქართველოს პირველი პრეზიდენტის შესახებ განცხადებებს ნაწილობრივ 2020 წლის საპარლამენტო არჩევნებისთვის მზადებას უკავშირებს.

„ეს კარგი, ხელსაყრელი მომენტი იყო. ერთი მხრივ, როცა რაღაც თემის გაჟღერება გინდა, ამის გაკეთება ასეთ ადგილას ძალიან კარგია, მეორე მხრივ კი საარჩევნო კამპანია უკვე დასაწყებია. 2020 წლის არჩევნები გადამწყვეტი იქნება ქვეყნის პოლიტიკურ ცხოვრებაში ბევრი თვალსაზრისით და რასაკვირველია, ეს თემაც პირდაპირ ჩაიწერა სააარჩევნო დღის წესრიგში. ზოგადად, ეს იმაზეც მეტყველებს, რომ ეს არის გარკვეული ისეთი პლატფორმა, რომელთანაც ყველას მიესვლება და რაღაცნაირად, თითქოს პარტიებად, პოლიტიკურ სექტებად, ნაკლებად მნიშვნელოვან მეხუთეხარისხოვან საკითხებზე მოკინკლავე კრებულებად დაქუცმაცებული საქართველო ერთ პლატფორმაზე ერთიანდება. ეს პოზიტიური მხარეა, თუმცა, ამას რომ საარჩევნოდ გამოიყენებენ, ამას რა თქმა უნდა. ფრთხილი დამოკიდებულება მაქვს - კი ბატონო, ძალიან კარგია ყველაფერი, რაც მან განაცხადა, ვერ შეედავები ვერც ერთ სიტყვაში, მაგრამ ჩემთვის მთავარია შედეგები. მინდა, რომ ფიცი მწამდეს და ბოლო კი არ მაკვირვებდეს, არამედ - ბოლოც მწამდეს. გამოძიების გაგრძელების მოთხოვნით ჩემი შიმშილობის დროს ალბათ საარჩევნო კამპანია არ იყო და ამიტომ არ მომხდარა რეაგირება. ძნელად წარმომიდგენია დღევანდელ საქართველოში პოლიტიკოსი, რომელიც პოპულისტურ ნაბიჯს არ გადადგამს. მით უმეტეს, ისეთ გაჭირვებულ მდგომარეობაში, რა მდგომარეობაშიც დღეს მმართველი გუნდია და მე ვერ ვიტყოდი, რომ ოპოზიცია უკეთეს მდგომარეობაშია. ზოგადად, კრიზისია პოლიტიკური თვალსაზრისით“, - განაცხადა გამსახურდიამ.

მან ასევე აღნიშნა, რომ ზვიად გამსახურდიას გარდაცვალების საქმეზე გამოძიება კი არა, საგამოძიებო პროცესის იმიტაცია მიმდინარეობდა, თუმცა ამჟამად საქმის გამოძიების დასრულების რესურსი არსებობს.

„საქმის გამოძიება უკვე 26-ე წელია, ასეა, ხან თაროზე შემოიდება, ხან ჩამოიღებენ. მიმდინარეობს საგამოძიებო პროცესის იმიტაცია. რა ჰქონდა ამ საქმეს გამოუძიებელი? წარმოიდგინეთ, დღესაც არსებობს იმის რესურსი, რომ ეს გამოიძიონ. თქვან, როგორც იყო - რა ლეგენდაც და როგორც არის გავრცელებული, ეს სრულიად წარმოუდგენელია.

ვფიქრობ, რომ უნდა დაისვას საბოლოოდ წერტილი, და მართლაც ამოისუნთქებს საზოგადოება. საერთოდ, ჩვენი ქვეყანა განვითარებადია და ნება მოდის მმართველი გუნდიდან, ის სასამართლო შტოსა და საგამოძიებო ორგანოებში კი არ არის, არამედ ყველა ზემოთ იყურება, აბა, ისინი რას იტყვიანო. თუმცა ამ განცხადების შემდეგ, როცა ამხელა პოლიტიკური გავლენის მქონე ფიგურა იტყვის და მას კიდევ კვერს დაუკრავს პარლამენტის თავმჯდომარე, რა თქმა უნდა, აქ უნდა ვივარაუდოთ, რომ პროგრესი იქნება. მინდა, ამის მჯეროდეს“, - აღნიშნა კონსტანტინე გამსახურდიამ.

მირიან  მირიანაშვილი - ტრამპს არ მიეცემა საშუალება და ეს დღეს თვალნათლივ ჩანს, რუსეთთან პოლიტიკური ზავი იმდაგვარ ფორმატში დაიდოს, რომელიც რაიმენაირად ზიანს მიაყენებს უკრაინაში დასავლეთის ინტერესებს
ქართული პრესის მიმოხილვა 19.05.2025
„სილქნეტი“ განცხადებას ავრცელებს
ფრანგმა სპეციალისტებმა PSP-ს ქსელის თანამშრომლებისა და ქართველი ინფლუენსერებისთვის ფრანგული დერმატოლოგიური ბრენდის „გამაღდეს“ პრეზენტაცია გამართეს
დეველოპერული კომპანია „ბიოგრაფი ლივინგი“ მოსახლეობას შვეიცარიული „შინდლერის“ ლიფტებით მოემსახურება
პირველი SWISSÔTEL გუდაურში - „პეტრა ჯგუფი“ განვითარების ახალ ეტაპზე გადადის