დავით ბაქრაძე - უმრავლესობამ აღმოაჩინა, რომ მინისტრები არ არიან კომიტეტზე გამოსაჩენი

პარლამენტის ყოფილი თავმჯდომარე, „ევროპული საქართველოს“ ლიდერი დავით ბაქრაძე საკანონმდებლო ორგანოს ახალი რეგლამენტით უკმაყოფილოა. როგორც დავით ბაქრაძემ ჟურნალისტებს განუცხადა, ახალი რეგლამენტით, პლენარული მოსმენებით დეპუტატები მომხსენებლებს უფრო კომფორტულ გარემოს უქმნიან საკომიტეტო მოსმენებთან შედარებით.

„იმ რეგლამენტის მიხედვით, რომელიც ასე ზარ-ზეიმით მიიღო უმრავლესობამ, მინისტრებს გააჩნიათ ვალდებულება მობრძანდნენ საკომიტეტო მოსმენაზე, მაგრამ ხელისუფლებამ აღმოაჩინა, რომ საკომიტეტო მოსმენა მათ არ აწყობთ, რადგან იქ არის ინტერაქციული რეჟიმი და მინისტრებს არ შეუძლიათ უბრალოდ პასუხები გასცენ დეპუტატების კითხვებს.

უმრავლესობამ აღმოაჩინა, რომ მინისტრები არ არიან კომიტეტზე გამოსაჩენი, ისინი ვერ უძლებენ საკომიტეტო მოსმენის ფორმატს და მიიღო პოლიტიკური გადაწყვეტილება, საკომიტეტო მოსმენა ჩაანაცვლონ პლენარულ სხდომაზე მოსვლით. რა თქმა უნდა, პლენარულზე მოსვლა მნიშვნელოვანია, მაგრამ ერთი მეორეს ვერ ანაცვლებს", - განაცხადა დავით ბაქრაძემ.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
Wolt - კვლავ ღამის 3 საათამდე