რომან გოცირიძე ზუგდიდში განვითარებულ მოვლენებზე - პოლიტიკური დევნა გრძელდება - ველოდებით სიურპრიზებს

არჩევნებამდე დარჩენილ პერიოდში რა ხერხებს მიმართავს ხელისუფლება ჯერ კიდევ არავინ იცის, ველოდებით სიურპრიზებს, - ასე ეხმაურება ფრაქცია „ნაციონალური მოძრაობის“ თავმჯდომარე რომან გოცირიძე ზუგდიდში განვითარებულ მოვლენებს.

გოცირიძის თქმით, ხელისუფლება ზუგდიდის მერის რიგგარეშე არჩევნებს ჩვეული მეთოდებით ჩაატარებს, რაც შანტაჟს, დაშინებას და მოსყიდვას გულისხმობს.

„არ დარჩენილა არც ერთი საერთაშორისო ორგანიზაცია, უცხოეთის სახელმწიფოები, მათ შორის ამერიკის შეერთებული შტატების სახელმწიფო დეპარტამენტი, ევროკავშირი და სხვა, სადაც ერთმნიშვნელოვნად არ იყო ნახსენები რომ საქართველოში საპრეზიდენტო არჩევნები ჩატარდა არადემოკრატიულად, ძალადობისა და მოსყიდვის ფონზე. მიუხედავად მკაცრი გაფრთხილებისა, საქართველოს ხელისუფლება ჯიუტად არ იშლის თავისას, ისინი კვლავინდებურად ხელს უშლიან ჩვენს კანდიდატებს ნორმალური საარჩევნო კამპანიის წარმოებაში, ზუგდიდში ფეხ და ფეხ დასდევდნენ და მუდმივი მეთვალყურეობის ქვეშ ჰყავთ ჩვენი კანდიდატი. გუშინდელი ინციდენტი სწორედ იმას მოჰყვა, რომ სამოქალაქო ფორმაში გადაცმული პოლიციელები აფერხებდნენ საარჩევნო კამპანიას, ეს არის მორიგი ძალადობის აქტი, კვლავინდებურად გრძელდება პოლიტიკური დევნა და ამ დარჩენილ პერიოდში რა ხერხებს მიმართავს ხელისუფლება ჯერ კიდევ არავინ იცის, ველოდებით სიურპრიზებს. დაიწყება თავიანთი „ზონდერების“ ამოქმედება, მოსყიდვები, დაშინება, ანუ ყველა ის მეთოდი რაც ჩვენ ვნახეთ წინა არჩევნებში. მიუხედავად მრავალი გაფრთხილებისა, ხელისუფლება ყურად არ იღებს საერთაშორისო ორგანიზაციების გაფრთხილებას, როგორც ჩანს, მათ ნაკლები შიში აქვთ საერთაშორისო ზეწოლის, მაგრამ ყველაზე დიდი საფრთხე ხელისუფლებისთვის არის ხალხი, ხალხი ხედავს ყველაფერს და ჩემი აზრით, ხალხი მიუჩენს ყველას თავის ადგილს“, - განაცხადა რომან გოცირიძემ.

შეგახსენებთ, რომ გუშინ, გვიან ღამით ზუგდიდში სამართალდამცველებმა „ნაციონალური მოძრაობის“ სამი წევრი დააკავეს. დაკავებულთაგან ორი მათგანი გუშინვე გაათავისუფლეს, ხოლო ერთ-ერთ მათგანს ბრალი ადმინისტრაციულ სამართალწარმოებათა კოდექსის 161-ე და 173-ე მუხლებით წარედგინა.

რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
ქართული პრესის მიმოხილვა 06.12.2019
ვაჟა ბერიძე - მთავარი არა საარჩევნო სისტემაა, არამედ ჩვენი სტრატეგიული პარტნიორების და მეზობლების დამოკიდებულება ქვეყანაში მიმდინარე პროცესებისადმი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
„ჯიპიაი ჰოლდინგი“ ჰოსპიტალური ბიზნესიდან გადის
გრძელვადიანი ბიუჯეტი – თბილისის მასშტაბური პროექტების დაცვა მმართველობის ცვლილებებისგან