აშშ-ის სამხრეთ ნაწილში ძლიერი შტორმის შედეგად 3 ადამიანი დაიღუპა. ამის შესახებ ინფორმაციას „როიტერსი“ ავრცელებს.
ბოლო დღეების განმავლობაში აშშ-ის სამხრეთით მდებარე შტატებში, განსაკუთრებით კი მისისიპიში, ჯორჯიასა და ალაბამაში, ძლიერი შტორმია.
ადგილობრივი მედიის ინფორმაციით, გარდაიცვალა 3 ადამიანი.
აღსანიშნავია, რომ სამივე მათგანს სტიქიის შედეგად მოგლეჯილი ხე დაეცა. ამასთანავე, ცელკეულ რეგიონებში 150 000-ზე მეტ ოჯახს ელექტროენერგია არ მიეწოდება. ძლიერმა შტორმმა სეტყვასთან ერთად ლუიზიანაში სახნავ-სათესი მიწების დიდი ნაწილი გაანადგურა.