გედევან ფოფხაძე - აშშ-ს ელჩის განცხადება მეტყველებს, რომ ჩვენი პარტნიორები კმაყოფილი არ არიან -  ჩვენ ვკარგავთ ყველა პარტნიორს

ჩვენ ვკარგავთ ყველა პარტნიორს, მოკავშირეს იმის გამო, რომ მართლმსაჯულებას საშუალებას არ ვაძლევთ განვითარდეს დამოუკიდებლად და პოლიტიკური წნეხის ქვეშ ვაქცევთ, -ამის შესახებ პარლამენტის დამოუკიდებელმა დეპუტატმა გედევან ფოფხაძემ იმ საჯარო შეხვედრის დაწყებამდე განაცხადა, რომელიც უზენაესი სასამართლოს მოსამართლეთა არჩევის საკითხთან დაკავშირებით სასტუმრო "შერატონ გრანდ თბილისი მეტეხი პალასში" მიმდინარეობს.

ფოფხაძის შეფასებით, საქართველოს პარტნიორები ქვეყანაში სასამართლო სისტემის გარშემო განვითარებულ მოვლენებზე ღია უკმაყოფილებას გამოთქვამენ.

„მე მგონი, აშშ-ს ელჩის განცხადებაც მეტყველებს იმაზე, რომ ჩვენი პოლიტიკური პარტნიორები არ არიან კმაყოფილი სასამართლოსთან დაკავშირებული პროცესებით. ვენეციის დასკვნა რომ უარყოფითია და არ არის გაზიარებული, აშშ-ს საელჩომ ეს მკაფიოდ დააფიქსრა. შეიძლება ვიღაც ადგეს და მაინც თქვას, რომ მადლობა აშშ-ს ელჩს მხარდაჭერისთვისო, მაგრამ ეს სირაქლემას პოზიციას ჰგავს და ხელისუფლებას არ უნდა დაინახოს, რომ ჩვენ ვკარგავთ ყველა პარტნიორს, მოკავშირეს იმის გამო, რომ მართლმსაჯულებას საშუალებას არ ვაძლევთ განვითარდეს დამოუკიდებლად, პოლიტიკური წნეხის ქვეშ ვაქცევთ. ეს საკანონმდებლო პროცესი ხელისუფლებისთვის კიდევ ერთი ტესტი იქნება. თუ ჩვენ წავალთ იმ გზით რა გზითაც მივდივართ, ყველა ჩვენ პარტნიორთან დავკარგავთ ნდობას და მივიღებთ მართლმსაჯულებას, რომელიც პოლიტიკური ისტებლიშმენტის პოლიტიკურ ინტერესებს არის მორგებული",-განაცხადა გედევან ფოფხაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს