ნინო ბურჯანაძე - პანკისის მოსახლეობის მხრიდან ჩვენ დღესაც განსაკუთრებული სახელმწიფოებრივი მიდგომა ვიხილეთ

არავითარ შემთხვევაში არ ვამართლებ და არ ვახალისებ ამ ფაქტს, მაგრამ ემოციის ქვეშ რომ ადამიანი იტყვის, ავაფეთქებ და პასუხს ვაგებინებ, ვინც ჩემი შვილი ლოგინში მომიკლაო, გიკვირთ?! ჩვენ ხომ დედები ვარ და მშობლები“, - ასე გამოეხმაურა „დემოკრატიული მოძრაობის“ ლიდერი ნინო ბურჯანაძე პანკისის ხეობაში შეკრებილ ხალხს და აღნიშნა, რომ მალხაზ მაჩალიკაშვილი მარტო არ არის და მისდამი მხარდაჭერა არ შესუსტებულა.

„როგორც ჩანს, ჩვენი საზოგადოება კიდევ კარგად ვერ აცნობიერებს თუ რამხელა ტრაგედია დატრიალდა მაჩალიკაშვილების ოჯახში. ნებისმიერი ოჯახისთვის შვილის დაკარგვა არის უდიდესი უბედურება, მაგრამ ალბათ, კიდევ უფრო მწარე ტრაგედიაა, როდესაც სახლში, საკუთარ საწოლში მძინარე 18 წლის შვილს უკლავენ ადამიანს. შემდეგ მას ტერორიზმს დააბრალებენ, თუმცა სამართალდამცავი ორგანოები ამას ვერ დაამტკიცებენ. წარმოუდგენელია იყო თავშეკავებული, როდესაც შვილს შეცდომით გიკლავენ. მე მოვუსმინე მალხაზ მაჩალიკაშვილზე სუს-ის მიერ გავრცელებულ ჩანაწერებს. ვერ ვიტყვი ავთენტურია თუ არა, თუმცა რამოდენიმე თვის წინ ბატონმა მაჩალიკაშვილმა განაცხადა, რომ ხანდახან სურვილი აქვს, მივიდეს სუს-ში და შური იძიოს მათზე, მაგრამ საკუთარ თავში პოულობს ძალას, რათა მისი შურისძიების მსხვერპლი უდანაშაულო ადამიანებიც არ აღმოჩნდნენ. ყოველივე აქედან გამომდინარე, ვფიქრობ, რომ რაც სუსმა გამოაქვეყნა მალხაზ მაჩალიკაშვილის მიერ ემოციის ფონზე იყო ნათქვამი. მაგრამ თუ ეს მხოლოდ ემოცია არ არის და მაჩალიკაშვილი მართლა გეგმავდა ტერაქტს, რატომ არ არის მაშინ იგი დაკავებული?! თუ იციან , რომ ეს კაცი დამნაშავე იყო, რატომ დადის იგი ქუჩაში?! იქნება დღეს მე და თქვენ აგვაფეთქოს ?! სად არის ლოგიკა?! ჩვენ კარგად გვახსოვს ხეობის უხუცესებისა და მოსახლეობის თხოვნა ხელისუფლებისადმი ამ საქმესთან დაკავშირებით. ჩვენ დღესაც განსაკუთრებული სახელმწიფოებრივი მიდგომა ვიხილეთ პანკისის მოსახლეობის მხირდან. ის, რომ პარლამენტის წინ არ დგას მთელი ხეობა, არ ნიშნავს რომ არ დადგებიან, თუ ეს საჭირო გახდება“, - აცხადებს „დემოკრატიული მოძრაობის“ ლიდერი ნინო ბურჯანაძე.

ინფორმაციას „დემოკრატიული მოძრაობის“ პრესსამსახური ავრცელებს.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!