ლევან გოგიჩაიშვილმა ხორავას ქუჩაზე მომხდარი მკვლელობის საქმეზე - „ქართულმა ოცნებამ" ძალით გაყო თავი ამ საქმეში

„ქართულმა ოცნებამ" ძალით გაყო თავი ამ საქმეში - ამაზე უმრავლესობა არ აიღებს პასუხისმგებლობას, - ამის შესახებ დამოუკიდებელმა დეპუტატმა ლევან გოგიჩაიშვილმა ხორავას ქუჩაზე მომხდარი მკვლელობის საქმეზე საუბრისას განაცხადა. ლევან გოგიჩაიშვილის განცხადებით, სახელმწიფოს ბრალი არ მიუძღვის დანაშაულის შექმნაში, თუმცა სადავოა მისი უმოქმედობის საკითხი.

„ქართულმა ოცნებამ" ძალით გაყო თავი ამ საქმეში. ეს არის საქმე, სადაც სახელმწიფო არ ჩარეულა ადამიანის უფლებების შელახვაში, სახელმწიფოს ედავებიან უმოქმედობას. ალბათ, თავისი პასუხისმგებლობა ამას მოყვება, როდის - ეს მე არ ვიცი. სახელმწიფოს ბრალი არ მიუძღვის კონკრეტული დანაშაულის შექმნაში, მაგრამ ისე მიიკერა ეს საქმე თითქოს პირველივე დღიდან სახელმწიფო იყო ჩარეული, მაგრამ ეს ასე არ ყოფილა. ამაზე უმრავლესობა არ აიღებს პასუხისმგებლობას, არც მაშინ აიღეს პროკურატურის გაფუჭებულ საქმეზე პასუხისმგებლობა", - განაცხადა ლევან გოგიჩაიშვილმა.