პარლამენტის დელეგაციამ ფედერალური დონის სასამართლო სისტემის მოწყობის საკითხებზე ვაშინგტონში შეხვედრა გამართა

ვაშინგტონში ვიზიტით მყოფმა საქართველოს პარლამენტის დელეგაციამ, პარლამენტის თავმჯდომარის პირველი მოადგილის, თამარ ჩუგოშვილის ხელმძღვანელობით, სასამართლოს ადმინისტრაციული ოფისის წარმომადგენლებთან შეხვედრა გამართა.

როგორც „ინტერპრესნიუსს“ საქართველოს პარლამენტიდან აცნობეს, ოფისის წარმომადგენლებმა დელეგაციის წევრებს გააცნეს: ფედერალური დონის სასამართლო სისტემის მოწყობა; როგორ ხდება კონგრესის მიერ ამ ოფისის ბიუჯეტის განსაზღვრა და დაფინანსება, ასევე თუ როგორ ხდება ურთიერთობა კონგრესის წარმომადგენლებთან ისეთ სფეროში, როგორიც არის საკანონმდებლო ნორმების შემუშავება მართლმსაჯულების ორგანიზაციასთან დაკავშირებით და სხვა საკითხები.

სასამართლოს ადმინისტრაციული ოფისის წარმომადგენლებმა ფედერალური სასამართლოების გამჭვირვალობაზე, ასევე დოკუმენტებისა და ინფორმაციის ხელმისაწვდომობაზეც ისაუბრეს .

პარლამენტის დელეგაცია ვაშინგტონში ამერიკის შეერთებული შტატების განვითარების სააგენტოს (USAID) პროგრამების - „დემოკრატიული მმართველობის ინიციატივა“ (GGI) და „კანონის უზენაესობის მხარდაჭერა საქართველოში” (PROLoG) ერთობლივი ინიციატივის ფარგლებში იმყოფება.

დელეგაციის შემადგენლობაში შედიან პარლამენტის წევრები: თამარ ჩუგოშვილი, ირაკლი კოვზანაძე, აკაკი ზოიძე, კახაბერ კუჭავა, ანრი ოხანაშვილი, ოთარ დანელია, გიორგი კახიანი, ნინო გოგუაძე, მამუკა მდინარაძე, ოთარ კახიძე, თინათინ ბოკუჩავა, ასევე პარლამენტის აპარატის უფროსი გივი მიქანაძე და აპარატის უფროსის მოადგილე დავით გელაშვილი.

ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
ქართული პრესის მიმოხილვა 23.01.2020
ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
გათამაშდა 1 მილიონ 182 454 ლარი - იძებნება მოგებული!
თეგეტა მოტორსმა 2019 წელი ავტოინდუსტრიის ბაზრის ლიდერის სტატუსით დახურა
სილქნეტმა გლობალურ საკომუნიკაციო კომპანია OneWeb-თან თანამშრომლობის მემორანდუმს მოაწერა ხელი
გეოგრაფიკი და კოლიერსი აბასთუმნის განვითარების პროექტის შესახებ
"ლიბერთი ბანკსა" და "ევექსი კლინიკებს" შორის ურთიერთთანამშრომლობის მემორანდუმი გაფორმდა
"სილქნეტი" აგრძელებს ოპტიკური ქსელის განვითარებას რეგიონებში - დაფარვის ზონას დაემატა დუშეთი