ნიუ-ორკში, მანჰეტენზე ვერტმფრენი ცათამბჯენს დაეჯახა, რომლის შედეგად ერთი ადამიანი დაიღუპა. უცხოური მედიის ინფორმაციით, კატასტროფა მაშინ მოხდა, როდესაც ვერტმფრენი ცათამბჯენის სახურავზე დაშვებას ცდილობდა.
დაშვებისას ვერტმფრენმა მართვა დაკარგა და ცათამბჯენს შეეჯახა.არსებული ინფორმაციით, დაღუპული ვერტმფრენის პილოტია.
ადგილზე მობილიზებულია სამაშველო და სახანძრო ბრიგადები, რომლებიც ავარიის შედეგების ლიკვიდაციას ცდილობენ. ავიაკატასტროფის გამომწვევი მიზეზები ჯერ უცნობია.