რომან გოცირიძე - ქიბარ ხალვაშის განცხადება „რუსთავი2“-ის დახურვის ვერაგული გეგმაა, რაშიც მას ფულის შოვნაც უნდა

ქიბარ ხალვაშის განცხადება „რუსთავი2“-ის დახურვის ვერაგული გეგმაა, რაშიც მას ფულის შოვნაც უნდა, - ამის შესახებ “ინტერპრესნიუსს“ ფრაქცია „ნაციონალური მოძრაობის“ თავმჯდომარემ რომან გოცირიძემ განუცხადა.

როგორც ოპოზიციონერმა დეპუტატმა განმარტა, ტელეკომპანია გაკოტრებულად გამოცხადდება, რის შემდეგაც ქონების გაყიდვა დაიწყება. მისივე თქმით, პირველ რიგში, ბიუჯეტი დაკმაყოფილდება, შემდეგ კი ვალებს კრედიტორები წაიღებენ, ხოლო ის რაც დარჩება, აქციის მფლობელის იქნება.

გოცირიძე ამბობს, რომ “მავრმა თავისი საქმე გააკეთა და მავრს შეუძლია წავიდეს“.

„მოსალოდენელი და ქიბარ ხალვაშისათვის მიცემული დავალება იყო, რომ „რუსთავი 2“ დაეხურა. ყველასთვის კარგად არის ცნობილი, რომ ხალვაში ტელევიზიას ვერ მართავდა და ახლა უნდათ, რომ “რუსთავი2“ თავიდან რაც შეიძლება სწრაფად მოიშორონ. ზღაპარია 70-მილიონიან ვალის არსებობაზე საუბარი. რა თქმა უნდა, “რუსთავი2“-ს აქვს საბიუჯეტო და სხვა სახის ვალები, თუმცა ხდება ვალების გაბუქება.

სინამდვილეში, არსებობს “რუსთავი 2“-ის დახურვის მარტივი სქემა. იტყვიან, რომ კომპანიას ვალები აქვს. ზოგადად, ასეთ შემთხვევაში, გაკოტრების მომთხოვნი შეიძლება იყოს მაგალითად, “წყალკანალი“, ან გაზის კომპანია, თუკი მისი ვალი აქვს ან ის, ვისი სახელფასო დავალიანებაც კომპანიას გააჩნია. როცა კომპანიას ბიუჯეტის ვალი აქვს, მისი გაკოტრება შეიძლება მთავრობამ მოითხოვოს.

თუკი ქიბარ ხალვაში საკუთარ თავს გაკოტრებულად გამოაცხადებს, სქემა ძალიან მარტივია: - გაყიდის კომპანიის აქტივებს. მას უზარმაზარი მიწა აქვს, რომლის ადგილმდებარეობის გათვალისწინებით, მშენებლები დიდი სიამოვნებით დაესევიან. აქტივების გაყიდვით გაისტუმრებს ვალებს, რომელსაც ახლა ძალიან გაბუქებულად წარმოაჩენს, რაც დარჩება ჯიბეში ჩაიდებს და საქართველოდან “აითესება“, ანუ „მავრმა თავისი საქმე გააკეთა და მავრს შეუძლია წავიდეს“. თუმცა დღეს სხვა დრო და ეპოქააა და ძალიან შორსაც ვერ წავა.

შეიძლება იყოს მეორე ვარიანტიც: - ხალვაშმა კომპანიის მომავალი მყიდველი წინასწარი შეთანხმებით ნახოს. ეს მომავალი მყიდველი კი, ერთადერთი შეიძლება ბიძინა ივანიშვილი იყოს. ივანიშვილი “რუსთავი2“-ის ყიდვას პირდაპირ ვერ გაბედავს, მაგრამ შენიღბულად, ცრუმონაცვლის ხელით წაიღებს. ამის შემდეგ მთავრობა ტელეკომპანიას საბიუჯეტო დავალიანებას ჩამოაწერს და ტელეკომპანია ახალ მფლობელთან გადავა.

ივანიშვილის საბოლოო მიზანი “რუსთავი2“-ის დატოვება და მისგან “იმედი2“-ის შექმნა არ არის. მან ვერც ერთ ტელევიზიას - ვერც “მეცხრე არხს“ და ვერც “ჯი დი ეს“-ს ვერ მოუარა. მას ურჩევნია არა ცოცხალი, არამედ მკვდარი “რუსთავი2“, - განაცხადა რომან გოცირიძემ “ინტერპრესნიუსთან“ საუბრისას.

ტელეკომპანია “რუსთავი2“-ის მფლობელი ქიბარ ხალვაში მიიჩნევს, რომ არსებობს საფუძვლები “რუსთავი 2“-ის გაკოტრების პროცედურა დაიწყოს.

ხალვაში საკუთარ განცხადებაში პირდაპირ წერს, რომ კომპანია გაკოტრების პირას არის მიყვანილი და ყველა ფაქტობრივი და სამართლებრივი საფუძველი არსებობის იმისთვის, რომ გადახდისუუნარობის საქმის წარმოება დაიწყოს.

“რუსთავი2“-ის აქტივები, რომლითაც თურმე უსაფუძვლოდ გავმდიდრდი, იმ დავალიანების მესამედსაც კი არ შეადგენს, რაც გვარამიამ კომპანიას დაუტოვა.

სამწუხაროდ, ჩემი ფინანსური შესაძლებლობები კომპანიის ღრმა კრიზისიდან გამოსაყვანად არ არის საკმარისი. ამიტომ, მსურს ღიად და საჯაროდ განვაცხადო, რომ მზად ვარ ვისაუბრო ნებისმიერ დაინტერესებულ პირთან, ვინც იყიდის “რუსთავი 2“-ს, დაეხმარება მას გამოვიდეს კრიზისიდან და გახდეს წარმატებული კომპანია.

შესაბამისად მე, დავიბრუნებ იმ ზარალს, რომელიც მომადგა კომპანიის მიზანმიმართული გაკოტრების მცდელობით“, - აცხადებს ქიბარ ხალვაში.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს
გალფი ტურისტული ზონების დასუფთავების მასშტაბურ აქციას იწყებს