ყველა საერთაშორისო შეხვედრის დღის წესრიგი საქართველოსთან დაკავშირებით იწყება სასამართლოს დამოუკიდებლობის და მართლმსაჯულების სისტემაში არსებული პრობლემების გამო და საქართველოს ხელისუფლებას აფრთხილებენ, რომ ამ პრობლემას მიხედონ, - ამის შესახებ ჟურნალისტებს დამოუკიდებელმა დეპუტატმა ეკა ბესელიამ განუცხადა.

მისივე თქმით, სწორედ ეს საკითხი განსაზღვრავს ყველა სხვა რეფორმას.

„თუ სასამართლოს დაიქვემდებარებ, ეს იმას ნიშნავს რომ ვერც ერთი რეფორმა ვერ იქნება წარმატებული და ვერანაირ დემოკრატიის ხარისხზე ვერ ილაპარაკებ. ეს არ იყო შემთხვევითი განცხადებები. ყველას ესმის, რომ ის კარგი დინამიკა, რაც გვქონდა მართლმსაჯულების კუთხით და გვაქებდნენ, დღეს ყველა აკრიტიკებს საქრთველოს იმ არასწორი ნაბიჯების გამო რაც გადადგა "ქართულმა ოცნებამ", - განაცხადა ბესელიამ.