მამუკა ხაზარაძე - ამ სისტემას ჩვენ გავწმენდთ და ქვეყანას დავტოვებთ ღირსეული, წესიერი ადამიანების ხელში - ამას გპირდებით ჩემი გუნდის სახელით

ამ სისტემას ჩვენ გავწმენდთ და დავტოვებთ ქვეყანას ღირსეული, წესიერი ადამიანების ხელში. ამას მე გპირდებით ჩემი გუნდის სახელით, - ამის შესახებ საზოგადოებრივი მოძრაობა „ლელოს“ დამფუძნებელმა მამუკა ხაზარაძემ წინასასამართლო სხდომის შემდეგ განაცხადა.

„არანაირი კანონდარღვევა არ ყოფილა არასდროს. ჩვენ ვართ აბსოლუტურად სუფთა არამარტო ამ საქმეში, არამედ მთელი იმ პერიოდის განმავლობაში, რაც ჩვენ ბიზნესს ვაკეთებთ მე და ბადრი და მთელი ჩვენი გუნდი. შესაბამისად, ამ თემაზე კომენტარს აღარ გავაკეთებ. ფაქტია, რომ ჩვენ საქმე გვაქვს ბიძინა ივანიშვილის ავტოკრატიულ მმართველობასთან, მის კერძო ადვოკატთან, რომელიც დღეს დანიშნულია გენერალურ პროკურორად, უდიპლომო ადვოკატთან, უცოდინარ ადვოკატთან“, - განაცხადა მამუკა ხაზარაძემ.

მისივე თქმით, დღეს საქმის პროკურორები საქმიდან მტკიცებულებების ამოღებას მოითხოვდნენ, რომელიც მათმა ადვოკატმა მოიპოვა.

„ეს ხალხი არ არის ღირსი, რომ საქართველოს ემსახუროს, არ არის ღირსი ჩვენი ქვეყანა, რომ ასეთი სამართალი ჰქონდეს. როგორც პირველივე სხდომაზე ვთქვი, ჩვენ ამ სიტუაციას შევცვლით. დავტოვებთ ღირსეულ ადამიანებს, იმიტომ, რომ საბედნიეროდ, ჩვენ გვყავს ღირსეული იურისტები, ღირსეული მოსამართლეები. ერთი დამპალი ვაშლის ამბავი რომ არის, რომელიც მთელ კალათას ალპობს და აფუჭებს... ამ სისტემას ჩვენ გავწმენდთ და დავტოვებთ ამ ქვეყანას ღირსეული, წესიერი ადამიანების ხელში. ამას მე გპირდებით ჩემი გუნდის სახელით და ეს მოხდება“. - აღნიშნა მამუკა ხაზარაძემ.

გიორგი გობრონიძე - სამხრეთ კავკასიის რეგიონში რუსულ-ირანული ღერძის შესუსტება, შესაძლოა, გახდეს აზერბაიჯანულ-თურქული ღერძის გაძლიერების კატალიზატორი
ქართული პრესის მიმოხილვა 07.07.2025
ნათია ჯანაშია და დავით ცეცხლაძე ირაკლი გილაურის წინააღმდეგ სისხლის სამართლებრივ გამოძიებას ითხოვენ
Bybit-მა საქართველოში ოფიციალური ვებგვერდი - BybitGeorgia.ge გახსნა, რომელიც ქართველ მომხმარებლებს ლოკალიზებულ კრიპტო სერვისებსა და ჯილდოებს სთავაზობს