20 ივნისის საქმეზე დაკავებულები: ზურაბ ბუდაღაშვილი, ცოტნე ცოტნიაშვილი, ბესიკ თამლიანი, ცოტნე სოსელია და კახაბერ კუპრეიშვილი სასამართლომ კვლავ პატიმრობაში დატოვა
20 ივნისის საქმეზე დაკავებულ პირებს - ზურაბ ბუდაღაშვილს, ცოტნე ცოტნიაშვილს, ბესიკ თამლიანს, ცოტნე სოსელიასა და კახაბერ კუპრეიშვილს თბილისის საქალაქო სასამართლომ აღკვეთის ღონისძიების სახით შეფარდებული პატიმრობა ძალაში დაუტოვა. აღნიშნული გადაწყვეტილება მოსამართლე ალექსანდრე იაშვილმა რამდენიმე წუთის წინ გამოაცხადა. მოსამართლის გადაწყვეტილებას დაკავებულების ოჯახის წევრებისა და ახლობლების უკმაყოფილება მოჰყვა.
ცნობისთვის, 20 ივნისის საქმეზე დაკავებულ პირებს ბრალი ედებათ ჯგუფურ მოქმედებში მონაწილეობაში, რასაც თან ახლდა რბევა, ძალადობა, სხვისი ნივთის დაზიანება და განადგურება, ასევე ხელისუფლების წარმომადგენლისადმი წინააღმდეგეობა და მათზე თავდასხმა. აღნიშნული ბრალი 4-დან 6 წლამდე ვადით თავისუფლების აღკვეთას ითვალისწინებს.
იხილეთ ვიდეო: 20 ივნისის აქციის საქმეზე ბრალდებულები სასამართლომ პატიმრობაში დატოვა
This is a modal window.
v-if="article.gallery" v-html="article.gallery"
