სანამ ბიძინა ივანიშვილი არ შეასრულებს საკუთარ პირობას, ეს პროცესები გაგრძელდება, - ამის შესახებ „ინტერპრესნიუსს“ „ნაციონალური მოძრაობის“ ერთ-ერთმა ლიდერმა რომან გოცირიძემ განუცხადა.
მისივე თქმით, დღეს ხელისუფლებას ერთი მომხრეც არ ჰყავს და მას მხოლოდ ინტელექტუალურად გაკოტრებული ადამიანები შემორჩა.
„ჩვენ დავინახეთ რომ ხელისუფლებას მთელმა ქვეყანამ აქცია ზურგი. საკუთარი გუნდიც კი ჩამოეშალა და ადამიანები, რომელთაც რაიმე ღირებულება გააჩნდათ, თუნდაც უმრავლესობაში, მათაც კი ზურგი აქციეს. ასეთ ვითარებაში ერთადერთ გზად დაისახეს სიცრუე და ამ სიცრუის პოლიტიკის გაგრძელება. ვერ შეიგნეს, თუ რა უნდა ხალხს. როცა ვერ შეიგნებ, შევაგნებინებთ და შევაგნებინებთ იმას, რომ არ შეიძლება ხალხის მოტყუება და არ შეიძლება ძალაუფლების შენარჩუნება კანონდარღვევითა და არჩევნების გარეშე,“ - განაცხადა გოცირიძემ.
მისივე თქმით, მოსახლეობამ იცის, რომ ბიძინა ივანიშვილი ხელისუფლებიდან არ წავა არჩევნების გზით.
„ხალხმა გაიგო ერთი რამ, რომ ეს კაცი არ აპირებს ხელისუფლებიდან წასვლას არჩევნების გზით, ეს არის ყველაზე სახიფათო რამ, რაც ჩვენ დავინახეთ მის ქმედებაში, უფსკრულის პირას დგას. ძალით ხელისუფლების შენარჩუნებას მოჰყვება ძალიან მძიმე შედეგი ხელისუფლებისთვის და შეიძლება ქვეყანაც ჩაითრიოს არასტაბილურობაში,“- განაცხადა გოცირიძემ.