სამშაბათს და ხუთშაბათს, წმინდა სამების ტაძარში სადღესასწაულო წირვა აღევლინება, - ამის შესახებ სრულიად საქართველოს კათოლიკოს პატრიარქმა, ილია მეორემ სამების საკათედრო ტაძარში, წირვის დასრულების შემდეგ ბრძანა.

"სამშაბათს არის დღესასწაული წირვა წმინდა ბარბარესი- ბარბარობა. ხუთშაბათს არის ნიკოლოზობა. ნიკოლოზობას ჩვენ აქ შევასრულებთ წირვას. მრავალს დაესწარით, გაიხარეთ", - ბრძანა პატრიარქმა.

პატრიარქმა, დღეს 2 გვარი დალოცა. ამასთან, დაჯილდოვდნენ დეკანოზები მეორე ჯვრის ტარების უფლებით.