საქართველოს რაგბის კავშირის პრეზიდენტობის არჩევნები 30 იანვარს, სასტუმრო „ქროთიარდ მარიოტში" გაიმართება. ამის შესახებ ინფორმაცია რაგბის კავშირმა საკუთარ ვებგვერდზე გაავრცელა.
„ა(ა)იპ საქართველოს რაგბის კავშირის მოწვევით, 30 იანვარს, სასტუმრო „ქორთიარდ მარიოტში" გაიმართება საქართველოს რაგბის კავშირის 2020 წლის ნამდვილ წევრთა მორიგი საერთო კრება (ყრილობა) შემდეგი დღის წესრიგით: სრკ-ის გამგეობისა და პრეზიდენტის შემაჯამებელი ანგარიში; სრკ-ის პრეზიდენტობის კანდიდატთა საერთო კრებისათვის წარდგენა, კანდიდატთა გამოსვლები; სრკ-ის პრეზიდენტის არჩევა; წესდების ცვლილებების მიღება; წესდების ახალი რედაქციის დამტკიცება“, - ნათქვამია რაგბის კავშირის განცხადებაში.
როგორც sportall.ge წერს, ოფიციალური კანდიდატები ჯერჯერობით უცნობია.
რაგბის კავშირის ამჟამინდელი პრეზიდენტი გოჩა სვანიძეა.