მე უკვე რთულად წარმომიდგენია დიალოგის გაგრძელება, ისეთ დროს „დაემთხვა" უგულავას დაკავება, რომ ბუნებრივია, ამან ფაქტობრივად, შეუძლებელი გახადა მოლაპარაკებების გაგრძელება და ჩაშალა ეს პროცესი, - ამის შესახებ ჟურნალისტებს დამოუკიდებელმა დეპუტატმა თამარ ჩუგოშვილმა განაცხადა.
მისივე თქმით, ამ პროცესის მიმართ მას დიდი მოლოდინი ისედაც არ ჰქონდა.
"სულ უფრო მცირე დრო რჩება ნებისმიერი ცვლილებისთვის, რომელიც შეიძლება კონსტიტუციაში ან საარჩევნო კოდექსში შევიდეს. ალბათ, უნდა ველოდოთ იმას, რომ არჩევნები ჩატარდება იმ სისტემით, რომელიც დღეს გვაქვს, 77/73-ზე. ალბათ, ეს უნდა მივიღოთ უკვე, როგორც რეალობა და პოლიტიკური ძალები უნდა მოემზადონ ამ სისტემაში არჩევნების ჩასატარებლად", - განაცხადა ჩუგოშვილმა.