თავდაცვისა და უშიშროების კომიტეტის თავმჯდომარის მოადგილედ გია ბენაშვილი აირჩიეს. გია ბენაშვილმა ამ თანამდებობაზე კობა კობალაძე ჩაანაცვლა.

კობა კობალაძე ამ დროისთვის კომიტეტის თავმჯდომარის პირველი მოადგილის თანამდებობას იკავებს. ამ პოსტზე მან ირაკლი ბერაია შეცვალა, რომელიც პარლამენტმა საგარეო ურთიერთობათა კომიტეტის თავმჯდომარედ აირჩია.

გია ბენაშვილი პარლამენტში, „ქართული ოცნების" რიგებში, 2016 წლიდან ირიცხება. ის საკანონმდებლო ორგანოში პარტიული სიით არის წარმოდგენილი.