გედევან ფოფხაძე ვანო მერაბიშვილზე - პოლიტიკაში ასეთი ადამიანები აღარ უნდა იყვნენ

თუ პოლიტიკურ ძალას არ აქვს ამოცანა, რომ დემოკრატიული პოლიტიკური პროცესის ნაწილი იყოს, მისთვის ვანო მერაბიშვილი შეიძლება მშვენიერი მოკავშირე იყოს, - ამის შესახებ ფრაქცია „დამოუკიდებელი დეპუტატების" წევრმა, გედევან ფოფხაძემ ვანო მერაბიშვილის აქტიურ პოლიტიკაში დაბრუნებასთან დაკავშირებით განაცხადა.

მისივე თქმით, თუ ვინმეს უნდა პოზიტიური პოლიტიკური დღის წესრიგის შექმნა ვანო მერაბიშვილთან ერთად, ასეთ დღის წესრიგს ვერ შექმნის.

„თუ პოლიტიკურ ძალას არ აქვს ამოცანა, რომ დემოკრატიული პოლიტიკური პროცესის ნაწილი იყოს და ამ გზით მიაღწიოს სასურველ შედეგს, მისთვის ვანო მერაბიშვილი შეიძლება მშვენიერი მოკავშირე იყოს. არ აქვს მნიშვნელობა ირაკლი ოქრუაშვილი გეყოლება ჯგუფში, ვანო მერაბიშვილი თუ სხვა პოლიტიკური ავანტურისტი, რომლის ამოცანაც არ არის ქვეყნის დემოკრატიული პროცესი, რომლებსაც უბრალოდ ეს ქვეყანა მიაჩნიათ მეწველ ძროხად, რომელიც სადამდეც იწველება უნდა მოწველო და ბოლოს, როდესაც რძე გაუშრება, დაკლა. ეს არის მათი პოლიტიკური მენტალიტეტი. თუ ამ პოლიტიკური ჯგუფების მთავარი ამოცანა მხოლოდ ის არის, რომ სისხლისღვრის, სამოქალაქო დაპირისპირების, მომავლის იგნორირების თუ ნებისმიერ ფასად მიიღონ პოლიტიკური ხელისუფლება, მაშინ ვანო მერაბიშვილი ასეთი პოლიტიკური წრისთვის პრობლემა საერთოდ არ არის. თუ ვიღაცას უნდა პოზიტიური პოლიტიკური დღის წესრიგის შექმნა ვანო მერაბიშვილთან ერთად, ასეთ დღის წესრიგს ვერ შექმნის. პოლიტიკაში ასეთი ადამიანები აღარ უნდა იყვნენ, ის პოლიტიკური ნიშნით დევნის მსხვერპლი არ ყოფილა, მას ჰქონდა ქართველ ხალხთან და სახელმწიფოსთან კონკრეტული დანაშაულებები," - განაცხადა გედევან ფოფხაძემ.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება