თურქეთი სირიელი ლტოლვილების ტალღას, რომელიც ევროპისკენ მიემართება, აღარ შეაჩერებს, - ამის შესახებ ქვეყნის ოფიციალურმა პირმა უშიშროების საბჭოს საგანგებო სხდომის შემდეგ განაცხადა. ინფორმაციას „როიტერსი“ ავრცელებს.
მისი თქმით, აღნიშნული ბრძანება უკვე გადაეცა სასაზღვრო სამსახურებს.
ცნობისთვის, რამდენიმე საათის წინ, სირიის ასადის მთავრობის ძალები, რომელსაც რუსეთი ფინანსურ და სამხედრო დახმარებას უწევს, თავს დაესხნენ თურქეთის ჯარებს. თურქული მედიის ინფორმაციით, დაღუპულია სულ მცირე 29 სამხედრო, ხოლო ათობით ჯარისკაცი საავადმყოფოებშია გადაყვანილი.