საოკუპაციო ძალების მიერ დაკავებული 70 წლის ელდარ გუნდიშვილი გათავისუფლებულია
საოკუპაციო ხაზის პერიმეტრზე დაკავებული 70 წლის ელდარ გუნდიშვილი დე ფაქტო რეჟიმის წარმომადგენლებმა ცოტა ხნის წინ გაათავისუფლეს.
გუნდიშვილი ე.წ. მესაზღვრეებმა გამყოფ ხაზთან მდებარე სოფელ აძვის განაპირას ორი დღის წინ დააკავეს, ე.წ. საზღვრის გადაკვეთაში დასდეს ბრალი და ცხინვალის მილიციის განყოფილებაში გადაიყვანეს.
ცხინვალის მილიციიდან გათავისუფლებული ამ წუთებში შსს-ს შიდა ქართლის პოლიციის დეპარტამენტის შენობაში იმყოფება და მალე შინ დაბრუნდება.
ელდარ გუნდიშვილი ე.წ. საზღვრის უკანონოდ გადაკვეთის ბრალდებით მესამედ იყო დაკავებული.
