ინფექციურ საავადმყოფოში კიდევ 5 პაციენტი შეიყვანეს
ინფექციურ საავადმყოფოში კიდევ 5 პაციენტი შეიყვანეს. დღეს, დილის 10 საათისათვის ბოქსირებულ განყოფილებაში 19 ავადმყოფი იმყოფებოდა.
ინფექციური საავადმყოფოს ბოქსირებული განყოფილების უფროსი მარინა ენდელაძე აცხადებს, რომ საავადმყოფოში ახლახანს შეყვანილი პაციენტების მდგომარეობა მძიმე არ არის და მათ მნიშვნელოვანი ჩივილები არ გააჩნიათ.
„ახლად შემოსული 5 პაციენტის გარდა, ყველა შემოსულ პაციენტს ავუღეთ მასალა კვლევისათვის. პასუხს ლუგარის ცენტრიდან დღის განმავლობაში მივიღებთ. ის პაციენტები, რომლებსაც არ აღმოაჩნდებათ და სავარაუდოდ არც ერთს არ აღმოაჩნდება კორონავირუსი, გაეწერებიან ბინაზე. გუშინ 22 პასუხი მივიღეთ და ყველა უარყოფითი იყო და ყველა გავწერეთ.
ახლახანს ვნახე ყველა პაციენტი, დაინფიცირებული პაციენტების მდგომარეობა არ შეცვლილა, დამაკმაყოფილებელია, ჩივილები და ტემპერატურა არ აქვთ. კარგ პირობებში არიან და თვითონ ჩვენი ძალიან კმაყოფილები არიან“, - აცხადებს მარინა ენდელაძე.
v-if="article.gallery" v-html="article.gallery"
