აშშ-ს ელჩი ოპოზიციური პარტიების ლიდერებს დახურულ კარს მიღმა ხვდება

ოპოზიციური პარტიების ლიდერები აშშ-ს ელჩს დახურულ კარს მიღმა ცალ-ცალკე ხვდებიან. დღეს შეხვედრა გაიმართა „ევროპული საქართველოს“ ლიდერებთან გიგა ბოკერიასთან, დავით ბაქრაძესთან და სერგი კაპანაძესთან.

აშშ-ს ელჩს უკვე შეხვდა „ერთიანი საქართველოს“ ლიდერი ნინო ბურჯანაძე.

როგორც ცნობილია, ოპოზიციის ლიდერებთან შეხვედრის თემა საარჩევნო სისტემის საკითხს უკავშირდება.

ბოლო დღეების განმავლობაში ხელისუფლების წარმომადგენლები აცხადებენ, რომ ოპოზიცია თავად უნდა შეთანხმდეს, როგორი სისტემა სურს.

„პირადად ჩემთვის არც 100/50-ზეა პრობლემა, არც 120/30-ზე, არც 110/40-ზე, არც არსებული შერეული სისტემა. არჩევნებს იგებს საზოგადოების და ხალხის მხარდაჭერა და არა საარჩევნო სისტემები“, - განაცხადა დღეს „ქართული ოცნების“ გენერალურმა მდივანმა კახა კალაძემ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს