მივმართავ საქართველოში ყველა პრობაციონერს - დღეიდან, 14 აპრილის ჩათვლით ყველანი ხართ გათავისუფლებული პრობაციის ბიუროებში გამოცხადებისაგან, - ამის შესახებ იუსტიციის მინისტრმა თეა წულუკიანმა მთავრობის სხდომის დასრულების შემდეგ განაცხადა.

წულუკიანის თქმით, ეს ნიშნავს იმას, რომ ე.წ. თითის დადება ან პრობაციის ოფიცერთან და სოციალურ მუშაკთან, ან ფსიქოლოგთან ჩანიშნული სავალდებულო შეხვედრები არის გაუქმებული.

„თქვენი მოსვლის ვალდებულების შეუსრულებლობა დღეიდან 14 აპრილის ჩათვლით, საპატიოდ ჩაითვლება და არავითარი სამართლებრივი შედეგი ამ გამოუცხადებლობას არ მოჰყვება. ამიტომ, ვიმეორებ, პრობაციონერებს 14 აპრილამდე ვათავისუფლებთ რეჟიმის ვალდებულების შესრულებისგან“, - განაცხადა თეა წულუკიანმა

შეგახსენებთ, ამ დროისთვის, საქართველოში ახალი კორონავირუსის 24 შემთხვევაა დაფიქსირებული.