„ევროპული საქართველოს“ წევრის, ირაკლი აბესაძის განცხადებით, პარტია ცდილობს დაეხმაროს იმ ადამიანებს, რომლებიც ახალი კორონავირუსის გავრცელების მაღალი რისკის ჯგუფში არიან. მისივე თქმით, „ევროპულ საქართველოს“ მოხალისეები დაეხმარებიან იმაში, რომ მაღალი რისკის ჯგუფში მყოფ ადამიანებს საკვები და ჰიგიენის საშუალებები გადასცენ.
„ხაზი მინდა, გავუსვა, რომ ყოველგვარი პოლიტიკური თუ საარჩევნო მიზნების გარეშე, ჩვენ ვცდილობთ, რომ იმ ადამიანებს, რომლებიც ვირუსის გავრცელების მაღალ რისკის ჯგუფში არიან, მივცეთ შესაძლებლობა, სახლში იყვნენ უსაფრთხოდ, თუმცა, იმავდროულად სახლში ჰქონდეთ საკვები და ჰიგიენის საშუალებები, რაშიც ჩვენი მოხალისეები დაგვეხმარებიან,"- განაცხადა ირაკლი აბესაძემ.
ცნობისთვის „ევროპული საქართველოს’’ აქტივისტები 7 ქალაქში: თბილისში, ბათუმში, გორში, ქუთაისში, ზუგდიდში, რუსთავსა და ახალციხეში მარტოხელა მოხუც ადამიანებს თვითიზოლაციის წესების დაცვაში დაეხმარებიან.