ახლა არის პროფესიონალური და გამბედავი გადაწყვეტილებების დრო და ხელისუფლება ასეც აკეთებს, - ამის შესახებ პარლამენტის თავმჯდომარე არჩილ თალაკვაძემ ბიუროს სხდომაზე განაცხადა, როდესაც უპასუხა დეპუტატ ლევან გოგიჩაიშვილს ქვეყანაში საგანგებო მდგომარეობის გამოცხადებასთან დაკავშირებით.
როგორც მან აღნიშნა, ხელისუფლება დროულად მიიღებს ყველა ზომას, რაც მოქალაქეების ჯანმრთელობის დასაცავად აუცილებელია.
„თუ საჭიროება იქნება, საგანგებო მდგომარეობასთან დაკავშირებით, მთავრობის დასაბუთებულ მოთხოვნას პარლამენტის მხარდაჭერა ექნება. ჩვენს მოქალაქეებს ვარწმუნებ, რომ ყველა ზომა, რაც აუცილებელი იქნება ჩვენი საზოგადოების უსაფრთხოების და ჯანმრთელობის დასაცავად, დაგვიანების გარეშე იქნება მიღებული. ახლა არის პროფესიონალური და გამბედავი გადაწყვეტილებების დრო და ხელისუფლება ასეც აკეთებს,“ - განაცხადა არჩილ თალაკვაძემ.
შეგახსენებთ, ფრაქცია „დამოუკიდებელი დეპუტატების“ წევრმა ლევან გოგიჩაიშვილმა ბიუროს სხდომაზე განაცხადა, რომ გარკვეული ვადით ქვეყანაში საგანგებო მდგომარეობის გამოცხადება აუცილებელია.