აშშ-ის პრეზიდენტის დონალდ ტრამპის განცხადებით, ამჟამად ამერიკაში კორონავირუსის საწინააღმდეგოდ პრეპარატ „ჰიდროქსიხლოროხინის“ ტესტირება მიმდინარეობს.

„ეს ჩვეულებრივი მალარიის საწინააღმდეგო პრეპარატია. ის ასევე გამოიყენება ართროზის დროს. თუმცა, ეს პრეპარატი ცნობილია, როგორც მალარიის საწინააღმდეგო და მედიცინა დიდი ხანია მას იყენებს. ის ძალიან ძლიერია. მან აპრობაცია გაიარა და სიცოცხლისთვის არ არის საშიში. ის ძალიან დამაიმედებელ შედეგებს იძლევა კორონავირუსთან დაკავშირებით პირველ ეტაპზე“ , - განაცხადა ტრამპმა პრესკონფერენციაზე.

მისივე თქმით, ამ პრეპარატის პლუსი იმაშია, რომ მისი ლიცენზირება არ არის საჭირო. მას უკვე აქვს ბაზარზე წვდომა.