ნათია თურნავა - უკვე 400-ზე მეტი კომპანია შევამოწმეთ, მათ შორის 70-მდე არის ონლაინ კომპანია

ჩვენ უკვე 400-ზე მეტი კომპანია შევამოწმეთ და მათ შორის არის 70-მდე ონლაინ კომპანია, - ასე უპასუხა საქართველოს ეკონომიკისა და მდგარდი განვითარების მინისტრმა ნათია თურნავამ „ინტერპრესნიუსის“ შეკითხვას, დაიწყო თუ არა ონლაინ ვაჭრობით დაკავებული კომპანიების შემოწმება და რა კრიტერიუმებით მოწმდებიან ისინი.

როგორც თურნავამ აღნიშნა, შემოწმებული კომპანიების ნახევარზე მეტი არსებულ კრიტერიუმებს აკმაყოფილებს.

მისივე თქმით, 70-მდე ონლაინ კომპანიის შემოწმება გასულ ორ დღეში მოხდა.

„მინდა ვთქვა, რომ ნახევარზე მეტი აკმაყოფილებს, მაგრამ არიან კომპანიები, ვინც მიუხედავად აქტიური მოთხოვნისა, რომ იმუშაონ, ვერ აკმაყოფილებს ჯანდაცვის გაიდლაინებს. იქნება ეს პირბადე თუ სასაწყობო მეურნეობის უსაფრთხოდ მოწყობა. ამ ეტაპზე ჩვენ კომპანიებს მივეცით მითითება, რა უნდა გამოასწორონ იმისათვის, რომ მათი საქმიანობა არამარტო მომგებიანი იყოს, არამედ უსაფრთხო იყოს თითოეული ჩვენგანისთვის. როგორც კი ისინი მზად იქნებიან და ხელახლა მოგვმართავენ, შეავსებენ აპლიკაციას და დაეშვებიან საქმიანობაში“, - განაცხადა თურნავამ.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ჩვენ ყოველთვის ღია ვართ დისკუსიისთვის - სოციალური კვლევის ინსტიტუტი საქართველოს დაავადებათა კონტროლისა და საზოგადოებრივი ჯანმრთელობის ეროვნულ ცენტრს მიმართავს