ყველაზე დიდი სანქცია ჩვენი ურთიერთკონტროლი უნდა იყოს, როდესაც საზოგადოებრივ ტრანსპორტში ვართ , - ასე პასუხობს დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელი ხათუნა ზახაშვილი „ინტერპრესნიუსის“ შეკითხვას დაწესდება, თუ არა სანქციები იმ პირებზე, რომლებიც საზოგადოებრივ ტრანსპორტში პირბადეს არ გამოიყენებენ.
ზახაშვილის თქმით, უნდა გადავლახოთ ის ბარიერი, როდესაც სხვისთვის შენიშვნის თქმა გვერიდებოდა.
„უნდა გადავლახოთ ბარიერი, როდესაც გვერცხვინებოდა და გვეუხერხულებოდა სხვისთვის შენიშვნის მიცემა, მაშინ, როდესაც ვინმეს არ უკეთია, ან შეცდომით უკეთია ნიღაბი. სანქციები ყოველთვის არ არის აუცილებელი. ვსწავლობთ თანაცხოვრებას ვირუსთან ერთად და ნიღაბი დიდი ხნის განმავლობაში გახდება ჩვენი თანამგზავრი“, - განაცხადა ხათუნა ზახაშვილმა.