ხათუნა ზახაშვილი - მიმტანების ჩაცმულობა არ იქნება როგორც ექიმების, რომლებსაც კოვიდიან პაციენტებთან უწევთ მუშაობა - არც იმის საჭიროებაა, რომ კერძი დისტანციურად გასტყორცნონ სუფრაზე
დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელის ხათუნა ზახაშვილის განცხადებით, რესტორნებსა და კაფეებში ჩვეულებრივი მომსახურება იქნება.
მისივე თქმით, მთავარი მოთხოვნა, დისტანცია და ნიღაბი იქნება.
„მიმტანების აღჭურვილობა და ჩაცმულობა არ იქნება ანალოგი იმისა, როგორც ექიმებს კოვიდიან პაციენტებთან მუშაობა უწევთ. არც იმის საჭიროება არ არის, რომ კერძი დისტანციურად გასტყორცნონ სუფრაზე. მომსახურება იქნება ჩვეულებრივი და ამჟამად არც ორკვირიანი მორიგეობის რეკომენდაცია არ არსებობს. ძალიან სწრაფად იცვლება მსოფლიოში სიტუაცია, იცვლება გამოცდილება, გროვდება გარკვეული მტკიცებულებები, რომელთაც ჩვენ რეკომენდაციებში ვიზიარებთ ხოლმე. თუ რაიმე შეიცვალა, აუცილებლად გაცნობებთ. დისტანცია და ნიღაბი - ეს იქნება მთავარი მოთხოვნა“,-განაცხადა ხათუნა ზახაშვილმა.
v-if="article.gallery" v-html="article.gallery"
