რომან გოცირიძე - განცხადება, რომ 20 ივნისს თავებს დაითვლიან, შეიძლება გააკეთოს მხოლოდ უთავო ადამიანმა

განცხადება, რომ 20 ივნისს თავებს დაითვლიან და ა.შ. ეს შეიძლება გააკეთოს მხოლოდ უთავო ადამიანმა. 20 ივნისი ეს არის „ქართული ოცნების" ხელისუფლების ძალადობის, ანტისახელმწიფოებრიობის, უსამართლობის დემონსტრირება,- ასე აფასებს ფრაქცია „ნაციონალური მოძრაობის" თავმჯდომარე რომან გოცირიძე პარლამენტის ყოფილი თავმჯდომარის ირაკლი კობახიძის განცხადებას 20 ივნისს დაგეგმილ აქციასთან დაკავშირებით.

რომან გოცირიძის აზრით, ხელისუფლებას 20 ივნისის აქციის ეშინია.

„მათთვის ეს არის კოშმარი. ამიტომ 20 ივნისის გახსენება ან რაიმე ფორმით იმ აქციის კომენტირება, რომელიც 20 ივნისს გაიმართება, „ქართული ოცნებისთვის" ძალიან მძიმედ გადასატანია, ამიტომ აკეთებენ ასეთ სულელურ კომენტარებს. ამ აქციის იმიტომ ეშინიათ, რომ 200 ადამიანი გამოვა, 20 000 თუ 2 000, რაოდენობას მნიშვნელობა არ აქვს. თავისთავად, 20 ივნისი არის ამ ხელისუფლების ანტისახელმწიფოებრიობის და დანაშაულებრივი ქმედებების ვერდიქტი და გამომამზეურებელი. ეშინიათ და აკეთებენ ასეთ კომენტარს. ეს არის შეხსენება იმისა, თუ როგორ იქცევა საქართველოს ხელისუფლება, როგორ ასრულებს ის რუსეთის დაკვეთას და გამოვლინდა მრავალ საკითხში, მათ შორის, სულ ბოლოს, ანაკლიის პროექტის ჩაძირვის სახით.

ამიტომ, 20 ივნისის ხსენება მათთვის არის შემახსენებელი იმ ძალადობის და უსამართლობის, რომელსაც ჩადიოდნენ მთელი 8 წლის განმავლობაში და ამიტომ უფრთხიან 20 ივნისს განსაკუთრებით და ეშინიათ ამ დღის. მნიშვნელობა არ აქვს ადამიანთა რაოდენობას, რომლებზეც ისინი აპელირებენ. ერთიც რომ იდგეს და გავრილოვის სურათი დაიჭიროს, ეს არის საქართველოს ხელისუფლების მახინჯი სახე, რომელმაც ფაქტობრივად, უღალატა საკუთარ ხალხს", - განაცხადა გოცირიძემ.

ცნობისთვის, პარლამენტის ყოფილმა თავმჯდომარემ, საპარლამენტო უმრავლესობის წევრმა ირაკლი კობახიძემ გუშინ ჟურნალისტებთან 20 ივნისს დაგეგმილ აქციასთან დაკავშირებით განაცხადა, რომ აქციაზე მხოლოდ პარტიული აქტივი იქნება.

„200 „ნაციონალის" შეკრება არ არის პრობლემა არც პოლიტიკური, არც პანდემიის კუთხით. გარკვეულ სოციალურ დისტანციას ალბათ, დაიცავენ, თავებიც შეგვიძლია, დავთვალოთ , - განაცხადა კობახიძემ.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით