დავით ზალკალიანი - ოპონენტებისგან კონგრესმენების განცხადებასთან დაკავშირებით რეაქციები მაგალითია, როგორ ცდილობენ ის, რაც ჩვენი სტრატეგიული პარტნიორების მიერ ითქმის, ითარგმნოს მათ მხარდაჭერად

პირველი რეაქციები ოპონენტების მხრიდან კონგრესმენების განცხადებასთან დაკავშირებით არის ზუსტად ის მაგალითი, როგორ ცდილობს ოპოზიცია ის, რაც ჩვენი სტრატეგიული პარტნიორების მიერ ითქმის, გამოყენებული იყოს ქვეყნის შიდა პოლიტიკური პროცესებისთვის და ითარგმნოს, როგორც მათი მხარდაჭერა, - ამის შესახებ საქართველოს საგარეო საქმეთა მინისტრმა, დავით ზალკალიანმა მთავრობის სხდომის დასრულების შემდეგ გამართულ ბრიფინგზე განაცხადა.

ზალკალიანის თქმით, აღნიშნულ დოკუმენტს არანაირი პოლიტიკური ძალა არ აქვს და ის მხოლოდ კვლევაა, რომელსაც მათთვის „ძალიან პატივისცემული „რესპუბლიკელები“ აწერენ ხელს“.

„სულ ცოტა ხნის წინ წავიკითხე პირველი რეაქციები ოპონენტების მხრიდან კონგრესმენების განცხადებასთან დაკავშირებით და ეს არის ზუსტად ის მაგალითი, როგორ ცდილობს ოპოზიცია ის, რაც ჩვენი სტრატეგიული პარტნიორების მიერ ითქმის, გამოყენებული იყოს ქვეყნის შიდა პოლიტიკური პროცესებისთვის და ითარგმნოს, როგორც მათი მხარდაჭერა. პირველ რიგში მინდა აღვნიშნო, რომ ეს არის დოკუმენტი, რომელსაც პოლიტიკური ძალა არ აქვს, ეს არის კვლევა, რომელიც არის ჩატარებული რესპუბლიკური სასწავლო კვლევითი ცენტრის მიერ. არც აღმასრულებელი და არც საკანონმდებლო ძალა, დანიშნულება ამ დოკუმენტს არ აქვს, ეს არის კვლევა და რეკომენდაციები, რომელსაც ხელს აწერენ ჩვენთვის ძალიან პატივისცემული „რესპუბლიკელები“, 13 კონგრესმენის ხელმოწერაა და აქედან სამთან მინდა გითხრათ, რომ მე პირადად მქონდა შეხვედრა თებერვალში ვიზიტის დროს, ასევე პარლამენტის თავმჯდომარეც შეხვდა მათ და მსგავსი რამ არც კი გამიგია“, - განაცხადა ზალკალიანმა.

ცნობისთვის, დოკუმენტში, სახელწოდებით: „ამერიკის გაძლიერება და გლობალურ საფრთხეებთან ბრძოლა“, რასაც ხელს აშშ-ის 13 „რესპუბლიკელი“ კონგრესმენი აწერს, საუბარია რუსეთის დეზინფორმაციული კამპანიის ლიდერებისთვის სანქციების დაწესების აუცილებლობაზე. „ბიძინა ივანიშვილი, საქართველოს უმდიდრესი ადამიანი, რომელიც პუტინის ახლო მოკავშირეა, რუსეთის სასარგებლოდ საქართველოს დესტაბილიზაციაშია ჩართული“, - ნათქვამია დოკუმენტში.

იხილეთ ვიდეო

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო