"ნაციონალური მოძრაობის" წევრის სალომე სამადაშვილის განცხადებით, ისინი საკონსტიტუციო ცვლილებებს მხარს დაუჭერენ, თუ გიორგი რურუა პატიმრობიდან გათავისუფლდება. როგორც მან ჟურნალისტებს განუცხადა, გიორგი რურუას მორიგი სასამართლო პროცესიც სწორედ 29 ივნისს დაინიშნა.
"ჩვენ არაერთხელ ვთქვით, რომ 29 ივნისს მზად ვართ, მხარი დავუჭიროთ საკონსტიტუციო ცვლილებებს, თუ გიორგი რურუა საპატიმროდან გათავისუფლდება. რამდენადაც ვიცი, მისი შემდეგი სასამართლო პროცესი სწორედ 29 ივნისს, დილით ჩაინიშნა, შესაბამისად, არსებობს თეორიულად კიდევ ერთი შანსი, რომ ოპოზიციამ კენჭისყრაში მონაწილეობა მიიღოს, თუ 29 ივნისს დაგეგმილ პროცესზე რაიმე პოზიტიური დინამიკა იქნება"-აცხადებს სამადაშვილი.