არგენტინაში, გასული 24 საათის განმავლობაში, კორონავირუსის 5 782 ახალი შემთხვევა დადასტურდა, რაც რეკორდულად მაღალი დღიური მაჩვენებელია ქვეყნისთვის, - შესაბამის მონაცემებს, არგენტინის ჯანდაცვის სამინისტროზე დაყრდნობით, CNN-ი ავრცელებს.
ამავე მონაცემების თანახმად, არგენტინაში კორონავირუსით ინფიცირებულების საერთო რაოდენობა 141 900-მდე გაიზარდა.
რაც შეეხება ფატალურ შემთხვევებს, ქვეყანაში კოვიდ 19-ს კიდევ 98 ადამიანის სიცოცხლე ემსხვერპლა და დაღუპულთა რიცხვმა 2 588-ს მიაღწია.
ცნობისათვის, მედიის ინფორმაციით, ლათინური ამერიკისა და კარიბის ზღვის ქვეყნებში კორონავირუსით ინფიცირებულთა რაოდენობამ 4 მილიონს, გარდაცვლილთა რიცხვმა კი 173 000-ს გადააჭარბა.