ახალგაზრდობის სააგენტო თბილისიდან ბერლინის მიმართულებით დაგეგმილ ჩარტერულ რეისთან დაკავშირებით ინფორმაციას ავრცელებს

თბილისიდან ბერლინის მიმართულებით მეორე ჩარტერული რეისი 11 აგვისტოს განხორციელდება. ამის შესახებ „ინტერპრესნიუსს“ ახალგაზრდობის სააგენტოდან აცნობეს.

საქართველოს პრემიერ-მინისტრის დავალებით საგარეო საქმეთა და ეკონომიკის სამინისტროების, ასევე ახალგაზრდობის სააგენტოს ორგანიზებით, განხორციელებული ჩარტერული რეისით სარგებლობას შეძლებენ ის ახალგაზრდები, რომლებიც საქართველოს უმაღლეს სასწავლებლებში სწავლობენ და გერმანიიდან აქვთ სამუშაო მოწვევა, თუმცა არსებული შეზღუდვების გამო ვერ ახერხებენ გადაადგილებას.

კერძოდ, მგზავრი, რომელიც ჩარტერული რეისით სარგებლობას შეძლებს უნდა იყოს საქართველოს მოქალაქე, საქართველოში მოქმედი სტუდენტი და სამუშაო მიწვევა ან კონტრაქტი უნდა ჰქონდეს გერმანიიდან.

„საქართველოს მთავრობის მიერ დადგენილი სუბსიდირებული ბილეთების ფასი არაუმეტეს 199 ევროსი. რეგისტრაცია მიმდინარეობს ახალგაზრდობის სააგენტოს ოფიციალურ facebook გვერდზე, რეგისტრაციის ბოლო ვადაა 7 აგვისტო, ღამის 12:00 საათი.

შეგახსენებთ, რომ 25 აგვისტოს, იგივე კრიტერიუმებით შერჩეული 165 სტუდენტი სპეციალური ჩარტერული რეისით, გერმანიაში უკვე გაემგზავრა. ჩარტერული რეისის განხორციელება საქართველოს მთავრობის დავალებით ეკონომიკისა და საგარეო საქმეთა სამინისტრომ ახალგაზრდობის სააგენტოს ორგანიზებით უზრუნველყო“, - აღნიშნულია სააგენტოს მიერ გავრცელებულ ინფორმაციაში.

ამასთან, სააგენტოს ხელმძღვანელმა რევაზ ჩარკვიანმა დღეს თბილისის სახელმწიფო აეროპორტიდან გერმანიაში მიმავალი სტუდენტები გააცილა.

აღნიშნული რეისით გერმანიაში წავიდნენ უმაღლესი და პროფესიული სასწავლებლის სტუდენტები საქართველოდან, რომელთაც გერმანიაში დროებითი დასაქმების კონტრაქტები აქვთ.

მათი ნაწილი სტაჟირებასა და პრაქტიკას გერმანიის სამეცნიერო და სამრეწველო საწარმოებში გაივლის და სამშობლოში სწავლის დაწყებამდე დაბრუნდება.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან