სააპელაციო საბჭომ შოთა რუსთაველის სახელობის ლიცეუმის საჩივარი არ დააკმაყოფილა

განათლების ხარისხის განვითარების ეროვნული ცენტრის სააპელაციო საბჭომ ჩაღლარის საგანმანათლებლო ქსელის სკოლა-ლიცეუმის საჩივარი არ დააკმაყოფილა და სკოლისთვის ავტორიზაციის შეჩერება ძალაში დატოვა. სააპელაციო საბჭომ სკოლა-ლიცეუმის საჩივარი გუშინ, 25 აგვისტოს განიხილა. ამის შესახებ „ინტერპრესნიუსს“ შოთა რუსთაველის სახელობის სკოლა-ლიცეუმიდან აცნობეს.

სკოლის ადმინისტრაციის ინფორმაციით, ავტორიზაცია რუსთავში მდებარე შოთა რუსთაველის სახელობის სკოლა-ლიცეუმს 15 მაისს ავტორიზაციის საბჭომ შეუწყვიტა, რის შემდეგაც სკოლამ აღნიშნული გადაწყვეტილება სააპელაციო საბჭოში გაასაჩივრა.

„შ. რუსთაველის სახელობის სკოლა- ლიცეუმი 2007 წლიდან ფუნქციონირებდა და რეგიონში ერთ-ერთ წარმატებულ სკოლად ითვლებოდა. ჩაღლარის ქსელის 2017 წლიდან არაერთი პრობლემა შეექმნა საქართველოში, აღნიშნულს კი წინ უძღოდა თურქული მხარის მძიმე ბრალდებები და მკვეთრად უარყოფითი დამოკიდებულება ქსელის დამფუძნებლებისადმი,“- აცხადებენ სკოლის ადმინისტრაციაში.

სკოლის დირექტორის, ნანა ყანჩაველის შეფასებით, სააპელაციო საბჭომ უსამართლო და არაპროფესიონალური გადაწყვეტილება მიიღო. მისივე თქმით, სკოლა გაჩერებას არ აპირებს და სამომავლო ნაბიჯებზე იმსჯელებენ.

ცნობისთვის, სკოლაში ქართველ მოსწავლეებთან ერთად საქართველოს მოქალაქე აზერბაჯანელი მოსწავლეები განათლებას ქართულ ენაზე იღებდნენ.

ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
ქართული პრესის მიმოხილვა 21.09.2020
ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)