საფრანგეთში Covid-19-ის 28 „წითლი ზონა“ ფიქსირდება

საფრანგეთში Covid-19-ის "აქტიური ცირკულაციის ზონას" , იგივე "წითელ ზონას" კიდევ შვიდი ტერიტორია დაემატა, შესაბამისად, მათი რიცხვი 28-ს შეადგენს.

წითელ ზონებში ხელისუფლებას აქვს უფლებამოსილება გამოიყენოს ისეთი ზომები, როგორიცაა ნიღბების სავალდებულო ტარება გარე სივრცეში. ასევე დახუროს რესტორნები და ბარები.

როგორც ცნობილია საფრანგეთი 94 ადმინისტრაციული განყოფილებისაგან შედგება, რომელსაც "დეპარტამენტებს" უწოდებენ და მათგან სწორედ 28 არის "წითელი ზონა".

საფრანგეთში ამ დროისთვის საერთო ჯამში კორონავირუსის 317 700-ზე მეტი შემთხვევა ფიქსირდება. კოროანვირუსს ქვეყანაში პანდემიის დაწყებიდან დღემდე 30,724 ადამიანი ემსხვერპლა.