ამირან გამყრელიძე - უმორჩილესად გთხოვთ, რადგან ფართომასშტაბიანი ღონისძიებები ძალიან დიდი რისკია, თავი შევიკავოთ

დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელის ამირან გამყრელიძის განცხადებით, თბილისში რამდენიმე დღის წინ გამართული ქორწილის შემდეგ ცაგერში კორონავირუსის 12 დადასტურებული შემთხვევა და ამ კლასტერთან დაკავშირებული შემთხვევები ზუგდიდში და ქუთაისში ფიქსირდება.

„საყურადღებოა ცაგერის მუნიციპალიტეტის კლასტერი, რომელიც დაკავშირებული იყო რამდენიმე დღის წინ დიდ საქორწილო ღონისძიებასთან, რომელიც ჩატარდა თბილისში და იქიდან დღეს გვაქვს თვითონ ცაგერში 12 დადასტურებული შემთხვევა, მათ შორის 5 ამ საბედნიერო სუფრის მონაწილე იყო და დანარჩენი მასთან კონტაქტები. ეს კლასტერი ცაგერს გარეთაც გავიდა და ამ კლასტერთან დაკავშირებული შემთხვევები გვაქვს ქუთაისში და ზუგდიდში და ერთიანად ეს არის დაახლოებით 18 შემთხვევა, რომელიც უკავშირდება ამ სადღესასწაულო ღონისძიებას“, - განაცხადა ამირან გამყრელიძემ.

მისივე თქმით, ფართომასშტაბიანი ღონისძიებებისგან თავი უნდა შევიკავოთ, რადგან ამ ტიპის ღონისძიებები ძალიან დიდი რისკია.

„დროებით თავი უნდა შევიკავოთ ფართომასშტაბიანი ღონისძიებებისგან, რადგან ბოლო ერთი თვის განმავლობაში 2 ასეთი დიდი ღონისძიებებიდან გვაქვს ჩამოყალიბებული შესაბამისი კლასტერული ჯგუფები. მე მესმის რთულია ადამიანებისთვის ამ ყველაფრის ახსნა, როდესაც ისინი ემზადებიან ცხოვრებაში ყველაზე მნიშვნელოვანი დღისთვის, მაგრამ გთხოვთ უმორჩილესად, რადგან ამ ტიპის ღონისძიებები ძალიან დიდი რისკია, შევიკავოთ თავი“, - განაცხადა გამყრელიძემ.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება