„ქართული ოცნების” აღმასრულებელი მდივნის ირაკლი კობახიძის განცხადებით, მმართველი გუნდის მიერ დღეს წარდგენილი განახლებული და გამოცდილი გუნდი საუკეთესო გარანტია იმისა, რომ საქართველო უსათუოდ შეძლებს უსწრაფეს ტემპში პანდემიით გამოწვეული პრობლემების სრულად დაძლევას.

როგორც მან „ქართული ოცნების“ საარჩევნო სიის პირველი ოცეულის პრეზენტაციაზე განაცხადა, ქვეყანა ასევე ძალებს სრულად აღიდგენს და შემდგომ განვითარებას განაგრძობს.

„ჩვენი გამოცდილი და განახლებული გუნდი არის საუკეთესო გარანტი იმისა, რომ ჩვენი ქვეყანა უსათუოდ შეძლებს უსწრაფეს ტემპში პანდემიით გამოწვეული პრობლემების სრულად დაძლევას, ძალების სრულად აღდგენას და განაგრძობს შემდგომ განვითარებას, რაც თითოეული ჩვენი თანამოქალაქის, თავისუფლების, უსაფრთხოებისა და კეთილდღეობის შემდგომ ამაღლებას უზრუნველყოფს. დავდგეთ ერთად, საქართველოს წარმატებისთვის“,-განაცხადა კობახიძემ.

შეგახსენებთ, პოლიტიკური გაერთიანება "ქართული ოცნება - დემოკრატიული საქართველოს" საარჩევნო სიის პირველი ოცეული ცნობილია. პარტიის სიის პირველი ნომერი და პრემიერ-მინისტრობის კანდიდატი გიორგი გახარია იქნება. სიის მეორე ნომერი მოქმედი პარლამენტის თავმჯდომარე არჩილ თალაკვაძე.