თამარ ბაჩალიაშვილის ოჯახის ადვოკატი - პროკურორებს კაბინეტში ვერ დავუჯდები - მათი მაკულატურის წაკითხვის დრო ნამდვილად არ მაქვს

გარდაცვლილი თამარ ბაჩალიაშვილის ოჯახის ადვოკატი, მიხეილ რამიშვილი დღეს პროკურატურაში გეგმავს მისვლას, შემდეგ კი, თეთრიწყაროს ტყესთან მისასვლელი გზების შესწავლას აპირებს. როგორც მან „ინტერპრესნიუსს“ განუცხადა, თუ საგამოძიებო ორგანოს წარმომადგენლები მათ არ წაყვებიან, უფლებადამცველები ადგილს დამოუკიდებლად შეისწავლიან.

„დღეს, 12:00 საათზე, პროკურატურაში მივდივარ, უნდა გავაცნოთ ყველაფერი. ვნახოთ, რა გადაწყვეტილებას მიიღებს პროკურატურა. წესით და კანონით, ჩვენთან ერთად ისინიც უნდა წამოვიდნენ. თუმცა, თუ არ წამოვლენ, ჩვენ მაინც მივიღებთ გადაწყვეტილებას. არა ერთი და ორ წუთი, არამედ ეს ადგილი კარგა ხანს უნდა ვამოწმოთ. ამ ყველაფერს ორგანიზება სჭირდება, ჩვენ სასეირნოდ არ მივდივართ. ვინ და რა დაგვხვდება, ვინ, რა პროვოკაციას მოგვიწყობს, ვინ აგენტებს გამომიგზავნის, ხომ ხვდებით, ახლა ყველაფერზე წამსვლელები არიან“,- განაცხადა რამიშვილმა.

ადვოკატის თქმით, ის საკალმახეებს თავიდანვე ეძებდა, თუმცა, ვერ მიაგნო. როგორც მიხეილ რამიშვილი აცხადებს, ადგილობრივებმა მას უთხეს, რომ „სწორ გზაზე დგას“.

„ადმირალის“ გარდა, მეორე საკალმახესაც ვეძებდი, მაგრამ ვერ მივაგენი. არ ვიცოდი ეს საკალმახე სად იყო. აღმოჩნდა, რომ კიდევ ყოფილა. ადგილზე რომ ვიყავით და ადგილობრივებს ვესაუბრებოდით, პირდაპირ მითხრეს, სწორ გზაზე დგახართო. ზუსტად ესაა ის გზა, რომელსაც თქვენ ეძებთო. ვიღაცამ კი არ მითხრა, იქაურმა ადგილობრივმა, ჭკვიანმა ადამიანებმა მითხრეს. პროკურორებს კაბინეტში ვერ დავუჯდები“,-აცხადებს რამიშვილი.

ადვოკატის თქმით, იმ შემთხვევაში, თუ მათ საგამოძიებო ორგანოს წამომადგენლები თამარ ბაჩალიაშვილის სავარაუდო გარდაცვალების ადგილზე გზების შესასწავლად არ გამოყვებიან, ადგილს უფლებადამცველები და მოხალისები შეისწავლიან.

„სხედან და ვიღაცებს კითხავენ, საქმესთან აბსოლუტურად არავითარი შემხებლობა რომ არ აქვთ. მათი მაკულატურის წაკითხვის დრო ნამდვილად არ მაქვს“,- აცხადებს რამიშვილი.

მიხეილ რამიშვილის თქმით, თამარ ბაჩალიაშვილის გარდაცვალების ღამეს მიმდებარე ტერიტორიაზე შუქი არ იყო, რასაც ადგილობრივებიც ადასტურებენ.

„დიდი ხის წინ ვამბობდი, რომ შუქი გამორთეს, ამის ჩანაწერებიც კი გვაქვს, როგორ ამბობენ ადგილობრივები და თბილისიდან ჩასულები, რომ მთელი ღამის განმავლობაში შუქი გამორთული იყო, მობილური ტელეფონიც კი ვერ დავტენეთო. გამოძიებას არაფერი გაუკეთებია. მერე თქვეს, რომ შევარჩიეთ ადამიანები, ვისაც ჩვენებები ჩამოვართვით, რომ შუქი არ წასულაო. თუმცა, მათი შერჩევითობა ვიცი. მთელი სოფელი დაშინებული ჰყავთ ძალოვან სტრუქტურებს“, - განაცხადა რამიშვილმა.

შეგახსენებთ, რომ თამარ ბაჩალიაშვილი 18 ივლისს გაუჩინარდა. ის 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს. ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 23.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
კახა ოქრიაშვილი - 2021 წელს 43%-იანი პლებისციტის დანიშვნა ნიშნავს იმას, რომ 2020 წლის საპარლამენტო არჩევნები არ დასრულებულა
„ლუტეცია ჯგუფი“ ვახტანგ ფხაკაძის სახელობის საქველმოქმედო ფონდს აარსებს
ახალი სერვისი არააქტიური მოპოვების ლიცენზიის მფლობელებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“